-

À tous puit, qui veut plaire à chacun V. puir

-

Chose qui est nouvelle plaît/Choses nouvelles plaisent V. nouveau

-

Chose qui plaît est à moitié vendue V. chose

-

Heureux est qui à tous peut plaire : Lors qu'il [le duc des Lorrains] vist que l'autre entreprint La guerre dont son mal procede, Par hardement, couraige print, Et y pourchassa le remede. Et si ses voisins a trouvez Qu'en son secours sont esprouvez, A nul bon cueur n'en doit desplaire.. Heureux est qui a tous peult plaire. (DU PRIER, Songe past. D.-M., c.1477-1508, 121).

-

On ne peut plaire à tout le monde : Mon livre encores referay Et d'autres choses y diray Dont a present me vueil taire, Doubtant qu'a tous ne puisse plaire. Mieulx se vault taire pour paix avoir Qu'estre batu pour dire voir, Et encores on dit tousjours : Longues parolles font cours jours. (RÉGN., F.A., 1432-c.1465, 151).

Rem. DI STEF. 694a, plaire.

-

Qui mal fait, sa compagnie à nul ne doit plaire V. compagnie

-

Les gens meurent quand il plaît à Dieu V. mourir

-

Tel cuide y être reçu (en amour) et plaire, qui souvent en est déçu V. cuider

-

Virginité plaît à Dieu V. virginité

Rem. Cf. aussi Morawski 2075 : Qui plaist si a, qui ne plaist rien n'a, 2350 : tel cuide plaire qui deplaist.
 

I. -

Empl. trans. indir. "Plaire" : Il ne te fault ne mais avisier a toutes choses qui plaire te porroyent. (CHR. PIZ., Trois vertus W.H., c.1405, 13). Tu plairas à tous se tu dis pou et faiz assez de biens (CHR. PIZ., Paix W., 1412-1413, 168).

II. -

Empl. impers. "Plaire" : Et ja ne plaise au roy celestre Que le monde soit mal pourveu (CHR. PIZ., Chem. estude P., 1402-1403, 145). ...tous sommes néz pour aler celle voye quant lui plaira [à Dieu]. (CHR. PIZ., Trois vertus W.H., c.1405, 83). Pleust a Dieu que l'envieux eust si grans yeulx qu'il peust veoir toute la prosperité et la joye qui est esparce par tout le monde a plusieurs gens, a celle fin qu'il eust cause d'estre plus tourmenté. (CHR. PIZ., Trois vertus W.H., c.1405, 140).
 

A. -

[Constr. avec un suj. nominal] "Plaire"

1.

[D'une pers.] : Ma filhe, sus, diligenment ; Faictes vous coinde et jolie Pour plaire a la companie. Il vous fault faire une morisque. (Pass. Auv., 1477, 89). Mytrart, il nous fault advancer Pour plaire a ma damoyselle, Que tant est gracïeuse, belle ; Pour se luy fault faire plaisir. (Pass. Auv., 1477, 89). Il [Jean-Baptiste] me plaisoit Quant il preschoit un autre roy. (Pass. Auv., 1477, 97). Nous sommes tresbien aubergés Avec Jhesus, qui fort me plaist (Pass. Auv., 1477, 120). Je ne scey coment elle croit, Maiz elle plait a nostre maistre. (Pass. Auv., 1477, 155).

2.

[D'une chose] : Tel festiement pas ne me plait Que aussi desplait A mon seigneur le roy, mon frere. (Pass. Auv., 1477, 107). Et, par Dieu, cella me plait bien ! Encore ay je part en ce jeu. (Pass. Auv., 1477, 202). Seigneur, que voulés que facions ? Comendés ce que vous plarra. (Pass. Auv., 1477, 209). Pour ce je tien - que tout luy plaise. (Pass. Auv., 1477, 242). Vostre pascience precïeuse Me plait fort, ma doulcete amie. (Pass. Auv., 1477, 280).

B. -

Empl. impers. "Être agréable, convenir à qqn"

1.

À l'ind.

a)

(Il) plaist à qqn + inf. : Par ressussitacion estoit mien Pour ce qu'il m'a pleu le souver. (Pass. Auv., 1477, 131). Tout t'est pardonné Pour la reverence de la feste De Pasques, ou coustume honneste Est es Juïfz que delivrer Je doiz pour eulx ung prisonier, Celluy que leur plait requerir. (Pass. Auv., 1477, 173).

-

Il plaist à qqn que + subj. : Mon amy cher [Jésus] Vouldroiz toucher, - tant est parfait, Puis qu'il luy plait Que soit deffait - le mal de m'ame (Pass. Auv., 1477, 151).

-

P. ell. [Formule exprimant la soumission à la volonté de Dieu] Puisqu'à Dieu plaist : Mon enfant, de vous suis deslivre, Puis qu'a Dieu plait. (Pass. Auv., 1477, 130).

b)

[Formules de politesse accompagnant une offre]

-

[Pour inviter qqn] Vous plairait-il + inf. : Raby, vous plairoit il aler Vous mectre a table maintenent ? (Pass. Auv., 1477, 148).

-

[Pour proposer ses services à qqn] Que vous plaist-il que + subj. : Ma mere, m'amour tresparfaicte, Que vous plait il que je demande ? (Pass. Auv., 1477, 96).

-

P. ell. : Sire, que vous plait ? (Pass. Auv., 1477, 97).

c)

[Formules de politesse accompagnant une demande (ou parfois une offre) ; dans une conditionnelle introd. par si]

-

[Accompagné d'un inf.]

.

Si + inf. +vous plaist : Voulentiers a manger vous donrey A ma maison, si venir vous plait (Pass. Auv., 1477, 147).

.

Si vous plaisait de + inf. : Mes seigneurs, bien m'y pouvés ayder, Si vous plaisoit de commander Au diable que le laissast de tout. (Pass. Auv., 1477, 159).

.

Si lui plaisait + inf. : Centurion est bien nostre amy ; Si luy plaisoit la charge prendre, Cortoisie nous faroit grande, Et nous l'en vouldrions bien prïer. (Pass. Auv., 1477, 273).

-

[P. ell. de l'inf.]

.

Si vous plaist. "S'il vous plaît" : Puis, seigneurs, qu'advés fait l'office, Les sancts prophetes vouldroye lire. Balhés moy, si vous plait, le livre, Et vous me fairés grant plaisir. (Pass. Auv., 1477, 116). Sire, Centurion, si vous plait, A la loy farés ce service. (Pass. Auv., 1477, 273).

.

Si lui plaist : Il me pardonra mes mesfaiz, Si luy plait, droit a ceste plasse. (Pass. Auv., 1477, 163).

2.

Au subj.

a)

[Formules de souhait]

-

Plaise à Dieu (de) + inf. : Loué soit le Dieu que nous fist ! Pleise luy nous estre propice ! (Pass. Auv., 1477, 103). Plaise a Dieu de vous secourir Selon vostre neccessité ! (Pass. Auv., 1477, 265).

-

Plust à Dieu que + subj. : Mon seigneur, il nous en desplait ; Et pleust a Dieu qu'il fut a faire ! (Pass. Auv., 1477, 233).

b)

[Formules de requête]

-

Plaise vous/toi + inf. : Centurion m'a tramis de la sus, Car son enfant est fort grevé. Plaise vous luy donner sancté ! Sire, Centurion 'n est bien digne. (Pass. Auv., 1477, 128). Helas, sire ; certes, je croy. Plaise toy ayder ma creance. (Pass. Auv., 1477, 162).

-

(Qu')(il) vous plaise + inf. : ...elle vous prie Qu'a Jhesus, qu'est de saincte vie, En riens ne nuises par sentence ; Ains vous plaise en grant clemence Le deslivrer de ces Juïfz. (Pass. Auv., 1477, 169). Souverain Dieu, de cuer vous prie Pour ceulx qui sont mes amoreux, Qu'i vous plaise garder leur vie De perilz et maulx dangeureux (Pass. Auv., 1477, 280).

-

Qu'il vous plust de + inf. : Qu'il vous pleust de moy eslargir Et donner le corps de Jhesus, Pour ce que j'advoye conclus L'ensevelir honnestement. (Pass. Auv., 1477, 236).
 

"Plaire à qqn"

A. -

[Constr. impers.] : Et par aventure, des ce que Dieu crea les cielz, Il ordena et deputa angels qui ainsi les moevent et mouvront tant comme il Lui plaira. (ORESME, C.M., c.1377, 288).

-

Il plaist à qqn que + ind. : ...mais il ne vouloient pas et ne leur plaisoit pas que leurs persecuteurs pechoient. (ORESME, E.A.C., c.1370, 312).

B. -

[Constr. pers.]

1.

[Suj. animé] : Car se tant de gens plaisoient forment a aucuns, il conviendroit que il feïst a chascun de euls plaisance (ORESME, E.A.C., c.1370, 424).

2.

[Suj. inanimé] : Si comme se l'un est tres bel et l'autre est lait, mais il a aucunes contenances qui plaisent a l'autre. (ORESME, E.A.C., c.1370, 420).
 

I. -

Empl. trans. indir. Plaire à qqn. "Être agréable à quelqu'un"

-

[Formule marquant le refus d'une éventualité] À Dieu ne plaise que + complét. : La teste vous sera seignee Et la vous coupperoys de lespee Si ne fust pour conscience Tout oultre sans defaillance Mais ia au bon Dieu ne plaise Que ia en ma vie ie offence Contre homme ne femme nullement. (Myst. st Martin K., a.1500, 169).

.

[Par détournement de cette formule] : Mahon ne pleyse, sire, Que je souye murtrier De tieul segniorie. Mourir j'eyme plus chier. (Myst. st Sébast. M., c.1450-1500, 297).

II. -

Part. prés. en empl. adj.

A. -

[D'une pers.] "Agréable, plaisant"

-

[Avec un terme de compar.] : Dame plus plaisant que la rose [Jeanne d'Arc], En laquelle est joye et plaisir, De tous François le souvenir, Et ou est leur amour enclose. (Myst. siège Orléans H., c.1480-1500, 598).

B. -

[D'un inanimé] "Favorable, propice" : Ça, messeigneurs, la mercy Dieu, Vous estes a port arrivez Sans du vostre avoir riens perdu, Ne sans nul autre destourbier. Dont devez Dieu remercyer Que n'avez [eu de] nulle tourmente, Qu'i nous ait donne encombrier, Mais avez eu la mer plaisante. (Myst. siège Orléans H., c.1480-1500, 109).
 

"Plaire"

A. -

[Le suj. désigne une pers.] "Être au gré de qqn" : Nous vous prions qu'a un bon filz, Nostre ami, la vueilliez donner [la fille] (...) ; Et quant on le vous nommera, Sa personne assez vous plaira (Mir. st Alexis, 1382, 295).

B. -

[Le suj. désigne une chose] "Être agréable à qqn, lui convenir" : ...j'en lairay Lucifer faire Ce qui lui plaira (Mir. enf. diable, c.1339, 22). Car sodainement monstré m'a Son maintien, qui par est si gent Qu'il doit bien plaire a toute gent (Mir. abbeesse, 1340, 66). Alons touz ensemble chantant Ce chant (...) Qui a la vierge moult plaira (Mir. femme roy Port., c.1342, 202). ...je puisse Telle restitucion faire Qui a saint Pierre et lui puist plaire Et agreer. (Mir. pape, 1346, 389). Je feray ce qui vous plaira, Chier pére en Dieu. (Mir. st Lor., 1380, 174).

C. -

Empl. impers. : Ma chiére dame, je vieng ci Esbatre moy avecques vous ; Vous plaira il bien, fin cuer doulx ? (Mir. st J. Cris., c.1344, 270). Biau pére, puis que bon vous semble, Moult bien me plait. (Mir. ev. N.D., c.1348, 87). Bien me deffendray, se Dieu plait, Contre vous, sire. (Mir. Amis, c.1365, 28). Nous ferons ce qu'il vous plaira, Treschier sire (Mir. st Lor., 1380, 161).

-

[Suivi d'un inf.] : Mais il le vous plaira garder [ce present], Sire, pour l'amour du preudome Qui le vous envoie (Mir. st Val., c.1367, 133). Sire, vous plaira il moy dire Que me voulez ? (Mir. st Alexis, 1382, 324).

-

[Suivi d'une prop. inf.] : Et quant vous plaira estre faiz Ce mariage ? dites, sire. (Mir. ste Bauth., c.1376, 88).

-

[Suivi d'un inf. introd. par à] : Sire, tout est prest et a point, Quant il vous plaira a disner. (Mir. chan., c.1361, 146). Vous plaira il, sire, a moy dire De quelx gens il est et son nom... ? (Mir. st Alexis, 1382, 295).

-

[Suivi d'une prop. introd. par que] : ...si vous pri qu'il vous plaise Que par congié je puisse aler A une moie antain parler (Mir. abbeesse, 1340, 76). Mais a touz deux vous plaise et siesse Que veigniez veoir vostre niepce Et vostre fille. (Mir. Oton, c.1370, 384).

-

Si vous plaist/s'il vous plaist : ...vierge esperitable, Tournez le nous a penitence Et nous destournez de grevance, S'il vous plaist, et de l'ennemy. (Mir. enf. diable, c.1339, 11). SUER MARIE. Ma chiére dame, seez vous, S'il vous plaist, cy. L'ABBEESSE. Voulentiers ; seez vous aussi Decoste moy. (Mir. abbeesse, 1340, 90). Qui estes vous ? Dites le moy, Si vous plaist, et je vous em proy (Mir. nat. N.S.J.C., c.1343, 218).

.

[Forme contracte] Souplait : Dame, souplait, Lever me vueil et, s'il vous plait, Un petit me lairez ouvrer, Pour esbatement recouvrer, Aussi conme ont ouvré voz filles. (Mir. Berthe, c.1373, 197).
 

A. -

Empl. unipersonnel

-

Plaire à qqn. "Lui convenir" : Et fut par eulx advisé que les dictes treves seroient alongees et continuees tant qu'il plairoit au roy pour aucunes raisons ad ce le mouvans. (LA VIGNE, V.N., p.1495, 307).

-

Plaire à qqn de + inf. "Vouloir, accepter" : Et sur ce poinct je conclus ma priere, Genoulx flecix, joignant a toy les mains, Te suppliant d'amour tressinguliere Qu'il te plaise de saulver les humains. (LA VIGNE, S.M., 1496, 476).

-

Plaire à qqn + inf. "Vouloir, accepter" : Et pour certaine et seure reverence, On luy porta les clefz par bon stille, Signifïant qu'il soubmettoyent la ville Totalement a son obeyssance, En luy offrant de tres singulier cueur Le cueur, les biens de toute la cité Pour le servir en toute humilité, Et qu'il luy pleust estre leur protecteur. (LA VIGNE, V.N., p.1495, 197).

-

[Le verbe est au subj. exprimant le regret] Plaire à Dieu que + compl. "Si seulement" : Oÿ, ma mere fut peu sage De m'avoir tant amygnoté ; Pleust a Dieu que de malle rage En son corps je fusse avorté ! (LA VIGNE, S.M., 1496, 320).

B. -

[Formule de politesse] S'il vous plaist. "Je vous en prie" : SAINCT MARTIN. S'en mon parler vous suis audacïeux Et a respondre ung peu malgracïeux, Pardonnez moy, s'il vous plaist, treschier pere (LA VIGNE, S.M., 1496, 144).
 

"Plaire" : ...foy est la lumiere de l'ame, la porte de paradis, la fenestre de vie et le fondement de salut pardurable, car sans foy ne puet nul a Dieu plaire. (LA SALE, J.S., 1456, 38). Lors les monstra a Gillebert, qui moult lui pleurent, et, pour abregier, en briefs jours le bracelet fut fait. (LA SALE, J.S., 1456, 82).
 

I. -

Empl. trans. indir. Plaire à qqn. "Être au gré de qqn" : Et se de toi ne le veus faire, Au mains douz Diex, te veulle plaire Qu'encor ta Grace le me soit Aussi comme estre le souloit. (GUILL. DIGULL., Pèler. vie hum. St., c.1330-1331, 12306). « Dame, dis je, mont me plaist bien Ce que vous dites ne de rien Ai contredi ... » (GUILL. DIGULL., Pèler. vie hum. St., c.1330-1331, 3987).

II. -

Empl. impers.

A. -

(Il) plaist à qqn. "Il convient, il est agréable à qqn" : Dont vous vient il à faire ainsi ? Point ne me plaist, bien le vous di (GUILL. DIGULL., Pèler. vie hum. St., c.1330-1331, 1611). Toutevoies Jëhan s'en va Au ciel Estiennë ou droit a, Quant il li plaist, pour compaigner Les sains martirs et festoier. (GUILL. DIGULL., Pèler. âme S., c.1355-1358, 9515). Si ques bonne chose seroit, Së a chascun de vous plaisoit, Quë aucuns a l'ourle infernal (...) Alassent sans tardacion Pour parler a eux et dire Quë il semble que no sire Leur veille aidier prochainement (GUILL. DIGULL., Pèler. âme S., c.1355-1358, 9892).

B. -

[Dans une formule de politesse pour présenter une demande de façon déférente] S'il te plaist. "Si c'est là ta volonté" : Encor me diras .I. petit, S'il te plaist, de ces mansions (GUILL. DIGULL., Pèler. âme S., c.1355-1358, 9367).

Rem. Cf. FEW IX, 1b.

C. -

[Formule figée] Si Dieu plaist. "À la grâce de Dieu" : Quant ici lire les [les lettres] orra, Se Diex plaist, lors me respondra. (GUILL. DIGULL., Pèler. vie hum. St., c.1330-1331, 5210).

III. -

Part. prés. en empl. adj. [D'une chose] "Agréable" : La chambre où tu [Marie] sers mont chiere Ne te doit estre ne plaisant Se n'est pour cause de l'enfant Qui y est venu reprimer L'orguel du monde et supplanter. (GUILL. DIGULL., Pèler. J.-C. S., 1358, 2269).

Rem. Cf. FEW IX, 2a.

-

[Adj. épicène] : Adonc atainst .I. haubergon D'une belle et plaisant façon (GUILL. DIGULL., Pèler. vie hum. St., c.1330-1331, 4000).

IV. -

Part. passé en empl. subst. masc. "Ce qu'il plaît à qqn (de faire, d'ordonner), volonté, désir"

-

Au plu de qqn. "Au gré de qqn" : Bien sai que vers li [Dieu] mon dëu N'ai pas [éd. mie] fait n'a son plëu, Dont ma cause n'est pas sainne, Pour quoi paier li doi trëu Dë oroison a mon pëu De grant devocion plainne. (GUILL. DIGULL., Pèler. âme S., c.1355-1358, 11133).

-

Faire le plu de qqn. "Agir au gré de qqn" : MARIE. Et volentiers voir ce ferai Com sa baiesse [du fils de Dieu] que serai, Qui de bonne heure nee fu Se je puis faire son plëu. (GUILL. DIGULL., Pèler. J.-C. S., 1358, 1260).
 

I. -

"Avoir de l'agrément"

A. -

[Constr. pers.] Plaire à qqn. "Lui être agréable"

1.

[D'une pers.] : ...les femmes de Brabant sont bien aultres, qui me plaisent bien autant et plus que voz chasses et voleries (C.N.N., c.1456-1467, 175). Pensez qu'il fut bien esbahy et dist : "Oncques ne me pleurent ces papelars..." (C.N.N., c.1456-1467, 221).

2.

[D'une chose] : ...nulle viande tant ne luy plaisoit que pastez d'anguilles. (C.N.N., c.1456-1467, 81). ...[il] faisoit mommeries, bancquetz et generalement tout ce qu'il pensoit qui peust plaire a sa dame luy estoit possible, et le faisoit. (C.N.N., c.1456-1467, 343).

3.

[D'une action ou d'un comportement] : Beaucop aussi au bon marchant pleut la courtoisie de sa nouvelle dame (C.N.N., c.1456-1467, 147). ...[il] s'advisa qu'il esprouveroit (...) s'il pourroit veoir ce qu'il scet que bien peu luy plaira (C.N.N., c.1456-1467, 319). ...il fut choisy et noté, et pleut tresbien sa doulce maniere et gravité a la damoiselle. (C.N.N., c.1456-1467, 569).

B. -

[Constr. impers.] : ...si n'eussions sceu de vray qu'il n'eust pas bien pleu a madamoiselle, encores y fussez vous. [Le mari a été enfermé dans un coffre] (C.N.N., c.1456-1467, 189). ...s'ilz alloient quelque part dehors, tresbien leur plaisoit que donne Margarite aidast a garder le mesnage (C.N.N., c.1456-1467, 303). Nostre bonne bourgoise habandonna son mary, et le laissa toute la nuyt rencouller avec les colons, a qui ne plaisoit gueres (C.N.N., c.1456-1467, 510).

C. -

[Constr. mixte] : ...s'il demandoit quelle chose il plairoit a la damoiselle, elle luy respondist que rien n'en savoit (C.N.N., c.1456-1467, 570).

II. -

"Être au gré de qqn"

A. -

[Constat de l'adéquation entre la réalité et le souhait ou le désir du sujet] "Lui convenir" : "Madame, il y a bon remede, s'il vous plaisoit. - Creez qu'il ne me plaist pas, dit elle..." (C.N.N., c.1456-1467, 142). ...je l'ayme autant icy que ailleurs, puis qu'il vous plaist ; mais il me semble bien petit pour y mectre voz robes [D'un bahut que le mari juge mal placé] (C.N.N., c.1456-1467, 184). Chacun s'assist et print sa place ou mieulx luy pleut (C.N.N., c.1456-1467, 238).

-

[Empl. conjoint avec sembler bon] : Par ma foy, monseigneur, dit l'autre, s'il vous plaist et semble bon, vous assemblerez tous vos subjectz (C.N.N., c.1456-1467, 221). ...me venez veoir jusques en ma chambre ? ou si mieulx vous plaist et bon vous semble, je viendray bien vers vous. (C.N.N., c.1456-1467, 247).

B. -

[Évocation implicite du passage à l'acte] "Être au gré de qqn"

1.

[Concernant l'actant] : Vous dictes bien, beau pere. Comment vous plaist il faire ? respond la veille ? (C.N.N., c.1456-1467, 103). ...vous direz ce qu'il vous plaira ; mais, par ma foy, il fault necessairement que j'entre ung petit dedans. (C.N.N., c.1456-1467, 218). Elles s'en pevent bien aller quand leur plaira, monseigneur, dist maistre Jehan. (C.N.N., c.1456-1467, 225). ...vous n'en partiriez tant qu'auriez tasté de la lemproye, ou si mieulx vous plaisoit, vous l'emporteriez en vostre chambre (C.N.N., c.1456-1467, 261).

2.

[Concernant une autre pers.]

a)

[Cas d'une pers. qui propose à qqn de faire qqc.] : Et vray Dieu, qu'est cecy ? Fay de moy tout ce qu'il plaist (C.N.N., c.1456-1467, 101). Je me rends a vous : je feray ce qu'il vous plaira sans nulz refus ne contredictz. (C.N.N., c.1456-1467, 157). Et que vous plaist il que je face ? dit l'aultre. (C.N.N., c.1456-1467, 263).

b)

[Cas d'une pers. qui accepte de faire qqc.] : Si luy prions qu'il luy plaise nous recevoir pour ses hostes pour meshuy. (C.N.N., c.1456-1467, 476). ...je le cognois de pieça (...) s'il luy plaist, il fera mes accointances devers vous. (C.N.N., c.1456-1467, 478). ...puis qu'il vous plaist me secourir, je ne seray ja cause de ma mort (C.N.N., c.1456-1467, 537).

C. -

[Impliquant un passage à un acte volontaire] : ...je suis contente d'emprandre l'estat de mariage, ou aultre tel qu'il vous plaira (C.N.N., c.1456-1467, 170). ...puis qu'il fault que je meure, au moins qu'il vous plaise que ce soit bien matin (C.N.N., c.1456-1467, 450). Puis qu'il vous plaist que je le dye, je vous obeiray. (C.N.N., c.1456-1467, 537).

-

[Empl. conjoint avec estre content] : ...je vous veil aider a garir. Je suis contente et me plaist bien pour vostre garison et santé (...) que je vous preste le lieu pour bouter vostre doy malade (C.N.N., c.1456-1467, 537).

-

[Constr. mixte] : ...[il] descendit, garny de son espée, parler aux quatre ribaulx, leur demandant tresdoulcement quelle chose il leur plaisoit. (C.N.N., c.1456-1467, 549).

III. -

Empl. avec si

A. -

[Formule figée] Si Dieu plaist. "À la grâce de Dieu" : ...si Dieu plaist, quand il sera possible, je feray autant pour luy, si je puis. (C.N.N., c.1456-1467, 42). Appaisez vous, dit il ; s'il plaist a Dieu et a monseigneur saint George, je reviendray de bref. (C.N.N., c.1456-1467, 129).

-

[Empl. du subj. optatif] Plust à Dieu (que) : "...il me sembloit a bon escient que vous estiez revenu, que vous parliez a moy, et si voiez tout aussi cler d'un oeil comme de l'autre. - Pleust ores a Dieu ! dit monseigneur..." (C.N.N., c.1456-1467, 113). Ainsi m'aist Dieu, dit le curé, l'on ne dist jamais mieulx ; et pleust a Dieu que la chose en fust ores bien faicte (C.N.N., c.1456-1467, 296).

B. -

S'il vous plaist

1.

[Intégration dans le tissu narratif] "Si cela vous convient, si vous en êtes d'accord" : Et s'il vous plaist veoir comment j'en suis eschappée et en quel point il est, venez en bas, vous le verrez. (C.N.N., c.1456-1467, 119). ...s'il vous plaist ceans laisser cest enfant, je vous promectz, par ma foy, s'il vous plaist ainsi faire, je vous donneray le premier que j'aray jamais. (C.N.N., c.1456-1467, 149).

2.

[Formule lexicalisée, pour mettre l'accent ou attirer l'attention sur un point du récit]

a)

[Entre personnages, dans le dialogue] "Je vous en prie" : ...donnez fin, s'il vous plaist, aux durs assaulx que me livrez, et je feray tout ce qu'il vous plaira (C.N.N., c.1456-1467, 118). ...dictes moy, s'il vous plaist, qui vous estes, et a vostre advis dont vous venez cy ? (C.N.N., c.1456-1467, 340).

-

[Avec empl. conjoint du verbe prier] : Si vous prie estre content de moy, s'il vous plaist, car je n'en feray rien plus. (C.N.N., c.1456-1467, 81). Madame, dit le clerc, je vous pry, dictes moy, s'il vous plaist, qui vous meut de vestir ce jaserant. (C.N.N., c.1456-1467, 280).

b)

[De l'auteur au lecteur] : Nostre yvroigne, plus estourdy que une grive partant d'une vigne, commença, s'il vous plaist, sa devote confession (C.N.N., c.1456-1467, 61). ...vous orrez en bref, s'il vous plaist, en la deduction de ceste nouvelle, la chose de quoy j'entens amplier et accroistre sa treseureuse renommée. (C.N.N., c.1456-1467, 241). Or escoutez, s'il vous plaist, qu'il advint en nostre chastellenie de Lisle, d'un bergier (C.N.N., c.1456-1467, 482).
 

Empl. impers.

-

Il plaist à qqn. "Il convient, il est agréable à qqn" : Et, après ce, nous dist et requist que pour Dieu merci nous le feissions mettre jus, et que il nous diroit tout, et que nous feissions de lui ce qu'il nous plairoit. (Reg. crim. Chât., I, 1389-1392, 17). Je ne parleray point à vous, ne vous salueray aucunement, s'il ne me plaist, ne ne vous diray aussi se je suis bien ou mal de vous. (Reg. crim. Chât., II, 1389-1392, 62).

-

Il plaist à qqn + inf. : Item, que s'il plaist au roy lui pardonner ce que dit est, il fera bon François Geraut du Seel, Denti Marchez et XXX autres gentilzhommes, et feront de moult grans prouffiz au roy. (Reg. crim. Chât., II, 1389-1392, 181).

-

Il plaist à qqn à + inf : Si vous plaise à faire diligence de la trouver et de en faire raison et justice. (Reg. crim. Chât., II, 1389-1392, 56).

-

Il plaist à qqn que + subj. : ...mais est verité que plusieurs fois ledit defunct Telier dist à lui qui parle qu'il ne lui plaisoit point qu'il alast ne venist vers sadite femme (Reg. crim. Chât., I, 1389-1392, 275). Laquelle confession ledit visconte envoye (...) pour avoir sur ce advis, et luy remander s'il leurs plaist, ce que il leur plaira qu'il en soit fait. (Reg. crim. Chât., I, 1389-1392, 381).

-

[Formule de souhait, de requête] : Chiers sires et amis, toute recommandacion devant mise, plaise vous savoir que mardi derrenierement passé, je feys excecuter un malfaitteur nommé Thevenin Tout Seul, pour ses demerites, en la juridicion d'Essonne (Reg. crim. Chât., II, 1389-1392, 55).

.

Si Dieu plaist. V. Dieu
 

Ne plaise à Dieu que. V. dieu
 

Empl. trans. indir. (Il) plaît à qqn. "Il convient, il est agréable à qqn" : ...et ce seroit signifié au Chancellier pour avoir audience à tel jour que plairoit au Roy (BAYE, II, 1411-1417, 48). ...audit office de greffier, que icellui du Bois lui resigneroit en la main du Roy ou cas qu'il plairoit à ladicte Court (FAUQ., I, 1417-1420, 12).

-

[Suivi d'un inf. sans prép.] : ...afin que de son povoir il lui plaise soy emploier à l'entretenement dudit saint concil (FAUQ., III, 1431-1435, 52).

-

[Suivi d'un inf. précédé de la prép. à] : ...et lui supplier qu'il lui plaise à en estre content (FAUQ., II, 1421-1430, 314).

-

[Suivi d'un inf. précédé de la prép. de] : ...et aussi qu'il lui plaise d'en rescripre aux princes et aux prelas, ainsi que bon lui semblera. (FAUQ., III, 1431-1435, 52).

-

[Suivi d'une prop. compl. au subj., introd. par que] : ...ledit mareschal avoit dit que de ce et de ses autres choses de ce royaume lui plaisoit que le duc de Berry en feist à sa volenté (BAYE, I, 1400-1410, 147). ...sommes contens et nous plaist que nostredit Chancellier demeure en nostredicte ville, sans ce qu'il en parte point jusques il ait autres nouvelles de nous. (BAYE, I, 1400-1410, 250).
 

I. -

Empl. trans. indir. "Plaire"

A. -

Qqn plaist à qqn : Monseigneur, cent mille mercis, car je croy, quant vous venrez la et vous aurez veue la dame, qu'elle vous plaira moult. (ARRAS, c.1392-1393, 37). ...elle [Mélusine] n'a pas esté nourrie en mendicité ne en rudesse, mais en superfluité de bien, d'onnour et de largesse de tous biens. Et vous requier, comme a mes seigneurs et amis, que vous ne m'en enquestez plus, car plus avant vous n'en povez par moy savoir. Et toute telle qu'elle est, elle me plaist. (ARRAS, c.1392-1393, 44).

B. -

Qqc. plaist à qqn : Et puis [le roi] regarde d'autre part, et voit la table mise, et la nappe belle et blanche dessus, et y voit moult de nobles mez. Il se traist celle part, et en prist un petit de cellui qui mieulx lui pleut, et menga un pou, et but une foiz, et se contregarda bien, car il savoit assez que le trop mengier et boire actrait le dormir. (ARRAS, c.1392-1393, 303).

-

En partic. [Dans une réponse]

.

Ce me plaist. "Voilà qui me plaît" : Atant es vous ses gens qui le queroient, et lui dirent qu'ilz avoient prins le cerf, et le roy leur dist : Ce me plaist. (ARRAS, c.1392-1393, 8).

.

Ce me plaist moult. "Très volontiers" : Par foy, dist le roy, nobles damoisiaux, ja soit ce que ne soie pas dignes de vous acomplir ceste requeste, si le vous accorde je. Mais avant sera la messe dicte. Sire, dist Uriien, ce me plaist moult. (ARRAS, c.1392-1393, 118).

II. -

Empl. impers.

-

Quand il plaist à qqn : Et sachiez, sire chevaliers, que je ne seray mie longuement seule quant il me plaira. Mais j'en ay envoyees mes gens devant pour le grant plaisir que j'avoye prins en ce bel lieu ou je me deduisoye maintenant, comme vous avez ouy. (ARRAS, c.1392-1393, 7).

-

Il plaist à qqn que : Puis vous faictes venir delivrer vostre place laquelle vous trouverez toute tracee et ordonnonee ou il me plaira que vostre place se comporte. (ARRAS, c.1392-1393, 31).

-

Il plaist à qqn (à) + inf. "Il lui plaît de" : Or dit l'ystoire que tant porta le cheval Remondin, ainsi pensif et plein d'ennuy et de meschief qui lui estoit advenu, qu'il ne savoit ou il aloit, ne il ne conduisoit pas le cheval, mais le portoit partout la ou il lui plaisoit a aler, sans ce que il lui tournast le frain a dextre ne a senestre ; ne Remondin ne voit ne oit ne entent. (ARRAS, c.1392-1393, 24). Sire, dist Remondin, grans mercis. Sire, je ne vous demande autre don fors que vous me veuilliez accorder au dessus de la Fontaine de Soif, es roches haultes et es haulx boys et desrubaux, ou il le me plaira a prendre, tant que un cuir de cerf pourra enclourre, et après la clouture, le long de tous lieux en esquairre. (ARRAS, c.1392-1393, 32). Et descy je vous donne journee, a la requeste du chevalier, de la bataille, au jour qu'il lui plaira assigner. (ARRAS, c.1392-1393, 60).

-

Tant... qu'il plaist à qqn : Comment ! sire chevalier, dist le roy, estes vous cy venus pour preschier ? Petit y povez conquester, car pour vous ne pour voz maistres ne lairray je pas mon entreprise, mais tant povez preschier qu'il vous plaira, car je y pren mon esbatement. (ARRAS, c.1392-1393, 158).

-

En partic. Il plaist à Dieu (à/de + inf.) : Monseigneur, dist Remondin, puis que il me souffist, il vous doit assez souffire, car je ne pren pas femme pour vous, a mon escient, mais la pren pour moy ; si en porteray le dueil ou la joye, lequel il plaira a Dieu. (ARRAS, c.1392-1393, 36). ...nous ne devons pas ressoingnier la mort ou l'adventure qu'il [Jésus-Christ] lui plaira a nous donner, pour soustenir les sains sacremens qu'il nous a administrez pour le salut de noz ames (ARRAS, c.1392-1393, 108). Et pour ce je vous prie que, s'il a en ceste place homme qui ne sente son cuer ferme pour actendre l'adventure qu'il plaira a Jhesucrist de nous envoier, qu'il se traye a part, car par un seul couart failly est aucunesfoiz une besoingne perdue. (ARRAS, c.1392-1393, 108). Pere Saint, la ay je devocion de moy aler rendre pour hermite, se il plaist a Dieu. Et la prieray Dieu qu'il lui plaise faire allegement a ma moillier. (ARRAS, c.1392-1393, 271).

-

Ce qu'il plaist à qqn (à + inf.) : Dont, pour celle cause, nous devons tant plus penner de voyagier pour acquerre honneur. Par foy, dist Guyon, vous dictes verité, mais pourquoy le dictes vous ? Je sui tout prest de faire ce que il vous plaira. (ARRAS, c.1392-1393, 81). ...vous ferez ce que vous devez. Or m'en respondez ce que il vous en plaira a faire. (ARRAS, c.1392-1393, 158).

-

Qqn/qqc. qu'il plaist à qqn : ...et en donra Dieu la victoire a qui qu'il lui plaira. (ARRAS, c.1392-1393, 157). Or demandez quelque don qu'il vous plaira des choses terriennes, honnourables et raisonnables, et vous l'aurez sans arrester. (ARRAS, c.1392-1393, 304).

-

[Dans une réponse]

.

Si comme il vous plaira/ ainsi qu'il vous plaira. "Comme il vous plaira" : Beau nepveu, nous demourrons cy tant que la lune sera levee. Remondin dist : Si comme il vous plaira, monseigneur. Il descendy, et prist son fusil, et fist du feu. (ARRAS, c.1392-1393, 19). Beaulx amis, je donray demain congié a la plus grant partie de noz gens qui sont icy venuz a nostre feste, car il nous fauldra ordonner autre chose que vous verrez assez prouchainement. Et Remondin respondi : Ainsi qu'il vous plaira. (ARRAS, c.1392-1393, 45).

.

Il me plaist bien. "Voilà qui me plaît" : Sire, dist ly chevaliers, vous dictes vostre courtoisie, mais ma damoiselle est saige assez pour ce que on doit faire. Sire, elle m'a commis, moy et mes compaignons, de ce faire [vous remercier d'assister à ses noces]. Sire chevaliers, dist ly contes, il me plaist bien. (ARRAS, c.1392-1393, 38).

.

Il me plaist tout maintenant. "Il me plaît que ce soit tout de suite" : Et sachiez que vous [Olivier] ne monstrez pas que vostre pere ait bonne querelle. Et descy je vous donne journee, a la requeste du chevalier, de la bataille, au jour qu'il lui plaira assigner. Par ma foy, sire, dist Remondin, et il me plaist tout maintenant. J'ay mon harnaz tout prest. (ARRAS, c.1392-1393, 60).

-

[Pour formuler un voeu, un souhait]

.

Plaise à qqn (à) + inf. : Chiere dame, plaise vous assavoir que je scay et congnois ce pays tout environ, et sachiez que a quatre ou a cinq lieues de cy n'a recest, ne forteresse nulle, excepté celle dont je me suy huy partiz, qui est environ a deux lieues de cy. (ARRAS, c.1392-1393, 7). Entre vous, barons de la noble conté de Poictou, plaise vous a entendre la requeste que j'entens a faire a monseigneur le conte, et, s'il vous semble qu'elle soit raisonnable, que lui priez qu'il me le veulle accorder. (ARRAS, c.1392-1393, 32). Tres chiers sires, je vous requier, en remuneracion de tous les services que je fiz oncques a monseigneur vostre pere, dont Dieux ait l'ame, qu'il vous plaise a moy donner un don, lyquelx ne vous coustera ne forteresse, ne chastel, ne chose nulle qui guerres vaille. (ARRAS, c.1392-1393, 32).

-

En partic. [Pour invoquer Dieu]

.

Ja ne plaise à Dieu/ Jesus-Christ que + complét. : Et en cel estat demourerent tant qu'ilz virent ung porc senglier grant et merveilleux, qui s'en venoit, escumant et morcelant les dens, vers eulx moult horriblement. Monseigneur, dist Remondin, montez sus cest arbre, que cilz sengliers ne vous face mal, et m'en laissiez convenir. Par foy, dist ly contes, ja ne plaise a Jhesucrist que je te laisse en ceste adventure. (ARRAS, c.1392-1393, 21). ...car il me semble qu'il [Geoffroy] soit cy venus comme par maniere de faire guerre. Et ne croy pas que ce soit a monseigneur ne a nulz de ceulx de ceste forteresce, car ja ne plaise a Dieu que monseigneur ne nul de ses gens ait fait chose qui puisse desplaire a Gieffroy ne a monseigneur son pere (ARRAS, c.1392-1393, 208).

.

S'il plaist à Dieu : Non contrestant, puis qu'il ne peut autrement estre, je partiray de ces marches et m'en yray querir adventure en lieu ou je pourray esperir mon pechié, s'il plaist a Dieu. (ARRAS, c.1392-1393, 23).

.

Se Dieu plaist : ... vous serez tantost gueriz, se Dieu plaist. (ARRAS, c.1392-1393, 244).

-

[Dans les formules de politesse]

.

S'il vous plaist : ...pour Dieu, laissiez telz choses ester. Il n'appertient point a si hault prince comme vous estes, mettre cure de enquerre de telz ars [l'astronomie], ne de telz choses. Car, comment qu'il soit, Dieu vous a pourveu de tres haulte et noble seigneurie et possession terrienne. Dont vous vous povez bien passer, s'il vous plaist, de vous donner courroux ne ennuy pour telles choses qui ne vous pevent ne aidier ne nuire. (ARRAS, c.1392-1393, 20). Monseigneur, dist ly anciens chevaliers a Remondin, faictes moy mener devers le conte de Poictiers, s'il vous plaist. (ARRAS, c.1392-1393, 38).

.

S'il vous plaisait : Lors vindrent a leur pere et a leur mere, disant moult humblement : Monseigneur, et vous, madame, s'il vous plaisoit, il seroit bien temps que nous alissions adventurer pour acquerir l'ordre de chevalerie (ARRAS, c.1392-1393, 145).

.

Puisqu'il vous plaist : Tres chiere dame, autre chose quier je bien. Et quoy ? dist elle. Dittez hardiement. Ma chiere dame, puisqu'il vous plaist, je le vous diray. (ARRAS, c.1392-1393, 9).