| 10 exemples |
| 1 | A celle qui me plaist tout donne, Quant a mon vouloir s'abandonne, Quoy que soie de grant laidure, Car amours par dons vit et dure. (DESCH., Oeuvres R., t.8, c.1370-1407, 236). |
|
| 2 | Seureté fait faitisses gens de court Courtois et preux preudons, s'argent n'est court ; Courtoisie est estime de guerdon, Donneurs aront ront ciel et grand pardon ; Don faict amis, misere attent mercy (MOLINET, Faictz Dictz D., 1467-1506, 850). |
|
| 3 | Le secont commendement [De Cicéron, dans son I>De offciis/I>] quant a ce, si est que le don ne soit plus grant que la faculté de celui qui le donne. (COURTECUISSE, Serm. D., 1397-1418, 260). |
|
| 4 | Et par ce avoit il tousjours assez de quoy fournir et continuer si que dit le sage que nul n'en prengne ; car qui dons prent, se vent. Et se il avient que aucune personne lui en face quelque message, que elle die expressement et a rechigné visage que jamais plus ne lui en parle. (CHR. PIZ., Trois vertus W.H., c.1405, 181). |
|
| 5 | Celluy son ame trop deçoit Qui dons iniquement reçoit. Considerons ce qu'en publicque Dit le prophete evangelique : "Les gens" dist-il, "qui ayment dons Et quierent propine et guerdons Ne jugent pas pour le pupille, S'ainsi est qu'il n'ait croix ne pille, Ne la cause de la vefve femme Ne meinent, s'elle n'est grant dame." (ALECIS, Passe temps P.P., 1480, 165). |
|
| 6 | "Ne se merveille de ce nul," dist la royne, "car la sainte escripture dit que les dons aveuglent les plus saiges de la terre. Et pource, Beau Filz, il est expedient que tu te doyes cautement garder de telz aliez, qui sont pres de toy et scevent tes secrez..." (MÉZIÈRES, Songe vieil pèl. C., t.2, c.1386-1389, 354). |
|
| 7 | "...Beau Filz," dist la royne, "se tu vouldras croire les chevaliers qui ont acostume de bien plumer le roy et les seigneurs et par leur soutille pratique, sus forme de vaillance remplie de flaterie, te feront preux et vaillant et large comme Alexandre, en recitant souvent le proverbe du mareschal Boucisquault : Il n'est peschier que en la mer et si n'est don que de roy : attrayant de toy et de ta vaillant largesse tant d'eaue a leur moulin qu'il souffiroit bien a XXXVIII moulins, qui par deffaulte d'eaue les deux pars du jour sont oyseux, et toutesfois se lesdiz moulins eussent de toy, Beau Filz, eauue competente, soies certains qu'ilz mouldroient farine plus delicative et plus saine que les moulins des dessusdiz, dont les roes font si grant noise..." (MÉZIÈRES, Songe vieil pèl. C., t.2, c.1386-1389, 239). |
|
| 8 | Bon don attent cilz qui bon mestre sert. Je ne dis pas que desservi riens aie, Trop paie bien qui devant heure paie ; Mon paiement gist en vo douce attente (FROISS., Orl., 1368, 87). |
|
| 9 | Quicunques reçoit d'aultruy don, Il est obligé de le rendre, Tenu est de faire guerdon Quicunques reçoit d'aultruy don. Femmes concevoir regardon Pour enfanter, ce donne entendre, Quicunques reçoit d'aultruy don, Il est obligé de le rendre. (Paraboles Maistre Alain H., 1493, 232). |
|
| 10 | ...il donna et departi de ses biens si largement que tout s'en contenterent, et acquist la grasce et l'amour d'euls, car il n'est riens que dons ne qassent. (FROISS., Chron. D., p.1400, 466). |
|
