-

À/de nouveau fait, nouveau conseil : Et adont de nouveau fait, nouveau conseil. Faisons bonne chiere. Dieu nous aidera, et maintenons nostre deduit ainsi que l'avons acoustumé. Fol est qui laisse le bien tant qu'il le puist avoir. (Percef. V, R., c.1450 [c.1340], 607). ...voz ennemyz ont autant de batailles comme vous, et, se Dieu vous a fait la grace que vous ayez ceste-là davantaige, c'est grant gain pour vous. Mais prenez que voz ennemiz en eussent une comme vous ; au moings sera la vostre pour contredire à la leur ; ainsi vous ne povez faillir à l'avoir. Les Ytaliens en ont encores plus la moittié ; car ilz combattent tousjours à cheval, ce que autres nacions ne font pas. Et, se vous avez à faire à eux, il vous en fauldroit avoir plus largement. Mais, communement, les autres nacions n'en ont plus. Touteffoys, si vous voyez quelque chose de nouveau, à nouveau fait nouveau conseil. (BUEIL, II, 1461-1466, 36).

Rem. Morawski 531 : De novele parole novia[u]s consal ; Hassell 81, C274.

-

Celui qui ne veut croire conseil ne peut avoir durée : Mieux valent deux sens qu'un, c'es verité prouvee Et se dist on souvent qu'avoir ne puet duree Qui conseil ne voet croire (Jourd. Blaye alex. M., a.1455, 90).

-

Conseil en tous cas aide fort : L'HOMME MONDAIN (au RELIGIEUX) A telz flatteurs et gabuseurs Crains fort avoir a besongner, Et aussi a faulx accuseurs, Que l'on ne doit acompaigner ; Si que vueillez moy enseigner Et donner sur ce reconfort Pour en vivant les esloignet : Conseil en tous cas ayde fort. (ALECIS, Déb. omme mond. P.P., c.1500, 151).

-

Croire mauvais conseil peut causer mauvaise fin : Et on dit un parler, et l'a on dit pieça, De croire mal conseil la fin maise sera ; Dieux paye quant li plaist, bien le pouoir en a. (CUVELIER, Chans. Guescl. F., c.1380-1385, 152). Or avoit de coustume Pietre, qui se fia Es Juifs de sa terre, et trop plus les ama Qu'il ne fist crestiens, car trop fort les greva, Ne de tous ses consaulx riens ne lor demanda Ce qu'il avoit à faire, trestout il lor cela ; Et disoit aux Juifs et de tout les charja, De ce qu'il ot à faire et de sà et de là. De croire mal conseil, male fin en sera (CUVELIER, Chron. Guescl. C., t.1, c.1380-1385, 241).

-

De bon conseil vient bonne conséquence : De bon conseil vient bonne consequence : De femme croire, c'est follye de s'en plaindre. Holofernès femme l'a faict estaindre Par son engin et grans conduites seures. Droicture aymer, et Dieu et honte craindre, Faict aux bons cueurs trouver telz avantures. (Myst. Viel test. R., t.5, c.1450, 353).

-

Fais tout par conseil, jamais tu ne t'en repentiras : Qu'est ce du sens d'ung homme seul ? Pour ce dit et commande le saige : fai tout par conseil et jamains ne t'en repentiras. (GERS., Réf. roy. G., 1405, 1164).

-

Fou est qui conseil prend de son ennemi : Folz est qui moyen ne demy Conseil prent de son ennemy, Encor cil plus, qui le conjoie Ne qui de conseillier le proye ; Et, pour voir, cil qui s'i conseille, Il dort sans sens et point ne veille. (Renart contref. R.L., t.1, 1328-1342, 29).

-

Fou est qui se conseille et ne veut bon conseil tenir : Saincte Juno, vueillez moy conforter, Car je n'ose n'escripre ne parler A ma Dame : quelque part qu'elle soit, Fay lui mes maulx en dormant figurer Par Morpheus ; ce conseil vueil ouvrer : Foulz zqt li homs qui bon conseil ne croit. (DESCH., Oeuvres Q., t.1, c.1370-1407, 119). Foulz suy, foulz est qui se conseille Et ne veult bon conseil tenir (DESCH., M.M., c.1385-1403, 187).

Rem. Morawski 777 : Fous est qui ne croit consoill ; Hassell 82, CC282. DI STEF. 192a, conseil

-

Il est plus sûr et plus aisé de combattre par conseil que par l'épée V. épée

-

Jeune conseil fait maints trébucher et périr : Pourtes honneur aux anciens Et aymer vueilles et cherir Leur doctrinë et leur bon sens :Grans biens en pourras acquerir (...) : Jeune conseil fait mains perir Et tresbuchier du haut en bas. (GARIN, Compl., 1460, 82).

-

Il appartient que l'homme mûr pense choses de conseil : Et certes chose pesante et haulte demande que l'en y entende. Et il apartient que homme meur et pesant pense choses de conseil (FOUL., Policrat. B., V, 1372, 314).

-

Il fait bon croire conseil, et surtout quand il est profitable : [On conseille à Norgal d'aimer telle femme] ...sy la vey a merveilles belle et avenant. Et que plus la regardoit, plus lui plaisoit, et comme plus lui plaisoit, plus se delitoit en la regarder. Adont dist a soy mesmes : "Il fait bon croire conseil, et par especial quant on le voit prouffitable. Et qui de conseil ist, s'il l'en meschiet, ne fait a plaindre. Ceste dame icy me plaist tres bien. J'espoir que je l'ameray, car elle est belle a merveilles." (Percef. V, R., c.1450 [c.1340], 422).

-

Le bon conseil fait la bonne oeuvre : ...toute bonne dame doit eslire un bon preudomme et saige de son lignaige (...) et soy conseiller à lui de ses besoingnes ; car le bon conseil fait la bonne oeuvre (LA TOUR LANDRY, Livre pour l'enseign. de ses filles, éd. A. de Montaiglon, 1371, 183).

-

Le coeur noble croit toudis bon conseil : Le cuer noble croit toudiz bon conseil, Car il n'a pas queue d'escorpion ; Il ne point pas ceulx qui sont en sommeil, Ne pas ne veult ferir en trahison (DESCH., Oeuvres Q., t.3, c.1370-1407, 133).

-

Le conseil doit aller devant l'oeuvre "Le conseil doit précéder l'action" : ...ne fait pas moins à prisier cellui qui bien deffent que cellui qui bien envaist, mais que telz choses par especial doient estre menées par le conseil des expers. En telz fais, dist Saluste, le conseil doit aler devant l'euvre. Mais apres long conseil briefve expedicion, ce dist Lucan. (CHR. PIZ., Paix W., 1412-1413, 107).

-

Le fou donne parfois conseil au sage V. fou

-

L'homme a besoin de croire les bons conseils : "Rois, che dist Ludïane, se tu te veux vengier De tes faulx anemis que tu n'as mie chier, Ne les mes mie a mort, che ne vault .I. denier, Car s'il estoient mors, je te dy sans cuidier, Adont seroient il tout hors de ce dangier : Mieux vault quë on leur faiche souffrir grant encombrier. Se les metés en chartre et faites trebusquier Et n'aient cascun jour que du pain a mengier." - Belle seur, dist ly rois, che fait a otroier. De croire bon conseil a ly hons bon mestier (Belle Hélène Const. R., c.1350, 688).

-

Nul ne doit être dit secrétaire s'il ne sait tout conseil taire V. secrétaire

-

On ne doit rien faire sans conseil : Et ailleurs disoit en latin, De quoi le françois veult retraire, Qu'om ne doit nulle chose faire Sanz conseil, car qui de lui euvre, A bonne fin vient de son euvre (DESCH., M.M., c.1385-1403, 19).

Rem. Morawski 2057 : Qui od conseil ovre ne fait a blasmer ; Hassell 82, C277.

-

Où conseil n'a tout est perdu : Comme j'eus moullé et empraint Mes fais et en mon cuer escript, Pensay ainsy com cil qui craint Que j'avoye mon preterit, Jeune de corps et d'esperit, Gasté, dont je fus esperdu : Où conseil n'a tout est perdu. (TAILLEV., Passe temps D., c.1440, 135).

-

Pour néant quiert conseil qui ne le croit : Vous adonc, seigneurs et princes, les propos faiz devant eulz, et vous ordenés a oïr yceulz sages et leur conseil, faitez du tout en tout ce que chascun d'iceulz verra en bonne foy ce que soit bon a faire ; Car l'en dit es proverbes : "Pour neant quiert conseil qui ne le croit." (VIGNAY, Théod. Paléol. K., c.1333-1350, 52).

Rem. Morawski 1678 : Por noient a consoil qui ne le croit.

-

Quand la chose est faite, le conseil en est pris "Quand la chose est faite, il n'est plus temps de délibérer pour en décider" : Mais quant le cose est faite, on le dist moult souvent, Conseil n'y a que faire. (Jourd. Blaye alex. M., a.1455, 559). On dit souvent en langage commun que quant la chose est faicte, le conseil en est prins. Si le ramentoit l'istoire a propos pour tant que les haussaires larrons ne se povoient repentr de ce qu'ilz avoient entrepris. Et par necessité convenoit qu'ilz se deffendissent jusques a la mort ou qu'ilz s'enfuissent honteusement. (Mabrien V., 1462, 311). ...quant la chose est faite le conseil en est pris (WAVRIN, Chron. H., t.4, p.1471, 130).

Rem. Morawski 1727 : Puisque la chose est faite, li conselz en est pris ; Hassell 75, C185.

-

Qui bon conseil croit, honneur et chevance acquiert : ...et par estre mennez et gouvernez en tous ses fais par les susdiz suppellatifz, comme il sera cy après declairié, s'en ensuivi vray le proverbe, qui dit : Qui bon conseil croit et quiert, Honneur et chevance acquiert. (CHR. PIZ., Faits meurs Ch. V, S., I, 1404, 42).

Rem. Hassell 82, C281

-

Qui croit conseil de femme, il paie le musage "Qui croit conseil de femme, il paie la sottise qu'il fait" : Et quant Jourdaiin a vut [que sa femme souffre du mal de mer], point ne s'en asouage, Moult se repent de chou qu'elle est en ce voiage Et de chou c'onques ne crut son dit et son langage. "Par foy, dist li vassaux qui tant a vasselafe, Qui croit conseil de fame, il paie le musage..." (Jourd. Blaye alex. M., a.1455, 369).

Rem. Morawski 1112 : Li rog matin et li consail feminin ne sunt pas a croire ; Hassell 110, F41.

-

Qui demande conseil doit croire : Qui demande conseil doit croire. (CH. D'ORLÉANS, Compl. C., 1433-p.1451, 281).

Rem. Hassell 82, C282 ; DI STEF. 192a, conseil.

-

Qui ne croit bon conseil n'est pas bien avisé : Pren d'Abstinence les consaus, Celle ne dois tu pas mescroire, Se tu ne le crois tu es faux ; Bien doit a l'omme venir maus, Certes, qui conseil ne veut croire. (JEAN DE LE MOTE, Voie d'enfer P., 1340, 147). Et lors parla ung moult noble prince nommé Sanguin, disant en plain consistoire : "Qui fait ce qu'il peult, beaux seigneurs, fait il, doit bien estre tenu pour excusé, et qui ne croit conseil quant il est bon n'est mie bien advisé. Pour nous le di en partie, et pour Mabrien aussi, lequel, quelque conseil que donné lui ayons, a voullu de son sens ouvrer..." (Mabrien V., 1462, 423).

Rem. Cf. aussi Morawski 415 : Consels arriere main n'est preuz, 545 : De povre conseil mavés jugement, 1589 : Par mauvais conseil va la vile à honte, 2019 : Qui ne croit conseil ne l'a.