| 22 exemples |
| 1 | Je voy bien que le proverbe que on dit est vray, que vieux pechié fait la vergoingne nouvelle. (ARRAS, c.1392-1393, 59). |
|
| 2 | "...Pensés comme des Turcz delivré vous soyés, Vous recouvrerés femme assés si vous voulés !" Ainsi disoit la faulce qui fit tous ces meschiefz, Maiz ains qu'i soit longt temps son corps sera payés, Car novelle vergogne vient bien de vieulx peché. (Flor. Octav. L., t.2, c.1400, 426). |
|
| 3 | Ce qu'ay semé il fault que je mestive [;] las que sera ma povre ame chetive (...) Qui fait peché il en payera la taille. (Comp. kal. bergiers C., 1493, f° g IV v°). |
|
| 4 | Se le pechié est magnifeste, la correction doit estre publique, selonc le dit de l'Apostre en la premiere Epistre aux Corinthiens ou .Ve. chapitre : "Reprens devant tous cheulx qui pechent, affin que les aultres ayent cremeur". (DAUDIN, De la erudition H., c.1360-1380, 194). |
|
| 5 | Et pour ce trop fort me merveil Pour quoy on blasme creature Du fait de sa non forfaiture, Comme il soit chose vraie et clere Que li filz le pechié du pere Ne portera ne le peril Du peché le pere du fil, C'est loy divine et temporele. (DESCH., M.M., c.1385-1403, 23). |
|
| 6 | Doncquez, se les adversitez des royaulmes sont executions des jugemens divins par la descongnoissance dez roys, pour quoy portent les povres et bas subgeitz la penitance d'aultruy pechié, et comme adjouxte Dieu nouveau torment sur le fais de leur labour ? (CHART., L. Esp., c.1429-1430, 43). |
|
| 7 | Et maintes en y a de telles qu'i ne leur suffist pas de faire le peché, si elles ne le vont dire et publeir. Et par icelles derisions beaucoup de femmes sont aucunesfoiz diffamees et en perdent leur honneur. A tout le moins, quant on a fait le peché, on doit mettre peine de le celer. Beaucoup en y a qui leur est advis que c'est beau fait. Toutesfoiz on dit en ung proverbe commun que peché cellé est de Dieu demy pardonné. (Livre Regnart S.-H., c.1460, 101). |
|
| 8 | Mortalitez, occisions, Compaingnes regnent, et pechiez, Dont li mondes est entechiés, Si que bon ne me samble mie Que le passage vous ottrie Quant à present, car ce seroit Très grans peris que li feroit. Car pechiez nuist et s'est po gent, Et tuit seigneur ont à present Trop de riotes et de plais. (MACH., P. Alex., p.1369, 220). |
|
| 9 | Hellas ! touz les plesirs qu'il fist oncques a sa femme sont oubliez, mais a elle souvient bien des riotes qu'il lui a menees, et dit a ses voisines qu'il lui a esté mal home et lui a mené si malle vie que, si elle n'eust esté femme de grant pacience, el n'eust peu tenir menasge avecques lui. Et qui pis est, elle dit souvent au bon home que elle est certaine que pechié lui nuist. (Quinze joies mar. R., c.1390-1410, 74). |
|
| 10 | LA MORT (à la femme amoureuse). Femme de petite value, Mal vivant en charnalité, Mené avez vie dissolue ; En tout temps, yver et esté, Aiez le cueur espoventé Car vous serez de près tenue ; Pour mal faire on est tourmenté : Peché nuist quant on continue. (Danse macabre femmes H., p.1480, 102). |
|
| 11 | O homme, combien qu'appert soys, En ta chair quiers tout ton beau. Je m'esbaÿs que n'apperçois Que brief seras mis au tombeau Et ausi tost comme tombe eau Defauldra ta plaisance ville. Pechez rendent l'ame serville. (MESCHIN., Lun. princes M.-G., c.1461-1465, 59). |
|
| 12 | Mais j'escoute saint Pierre qui renie Dieu encore deux fois, et pis a la seconde qu'a la premiere, et a la tierce qu'a la seconde ; car peché qui ne s'efface incontinent trait a peché. (GERS., Passion I G., 1403, 475). |
|
| 13 | Et on dist ung proverbe qui bien doit estre oïs : Que le vieux péciés fait, ou en fais ou en dis, Le nouvielle viergongne ; cis mos est bien asis. (Geste ducs Bourg. K., c.1410-1419, 363). |
|
| 14 | [Dans un paragraphe intitulé I>Coustume/I>] S'il a mesprit ce n'est pas sa coustume. Bonne coustume doit pardon empetrer. Coustume de mal faire contraint souvent a mal. Petit est le pechié qui se fait par coustume. (LEGRAND, Archil. Sophie B., c.1400, 124). |
|
| 15 | Mon filz, convoitise ne t'aveugle ; ahers toy a vertu, c'est dommage quant homme vit riche de pechié et povre de vertu (LEFÈVRE (R.), Hist. Jason P., c.1460, 126). |
|
| 16 | [Gelinant apprend que c'est Perceforest qui a tué son frère Darnant ; il s'adresse au mort] "Haa ! Darnant, beau frere, viel peché fait nouvelle vergogne. Se vous m'eussiez creu, il ne vous fust pas avenu ce que avenu vous est ! Vostre sort et voz conjuracions et les mauvaiz esperitz que vous avez conjurez vous ont deceu et la mauvaise vie que vous avez mené vous a condempné..." (Percef. I, R., t.1, c.1450 [c.1340], 155). |
|
| 17 | Le roy Pandrasus soy veant estre au-dessoubz ottroya au duc Bructus sa demande ; un pou gemy il pour l'amour de sa fille qu'il donnoit a son ennemi mortel, toutesfoiz se resconfortoit il en disant que Bructus estoit preu et gentil, sycque encores leur eust il volontiers donné la tierce partie de son royaulme et tenu francs et quittez a toujoursmais se ilz eusent [sic] volu demourer la, mais Bructus avoit advisé que viel pecié [var. pechie] fait nouvelle playe (WAVRIN, Chron. H., t.1, p.1471, 64). |
|
| 18 | L'AME DE CROSCUS. O malheureuse âme dampnée Par péché quii en moy habunde, De toute peine environnée Qui jusques au cueur me redonde, Pourquoy fus-je doncques né au monde Pour vivre tant desloyaulment, Pourquoy dure douleur profonde M'estraint incomparablement ? SATHAN. A grand péché cruel torment. (FLAMANG, Vie Pass. st Didier C., 1482, 429). |
|
| 19 | Mes toutesfoys les sages dyent que la ou il n'a point de pechié, ne doit avoir nulle punition, et la ou il ha peché doit avoir punytion raisonnable selon le pechié. (LA CÉPÈDE, Paris Vienne K., 1432, 194). |
|
| 20 | Et, a celle cause, le regnard dist en soy mesmes : "Pour ce que j'ay mal faict, mal me vient, car tousjours le peché retourne sur son maistre." (MACHO, Esope R., c.1480, 117). |
|
| 21 | [Entendement d'adresse à la Foi ] Salmon qui fut apprentiz en ton escole nous donna pour regle que on a le torment pour ce mesmez dont on a fait le pechié. Pour quoy doncquez sont tourmentés pour les debas publiquez ceulx qui es choses publiquez n'ont aprouchement ne office ? (CHART., L. Esp., c.1429-1430, 52). |
|
| 22 | NEMBROTH. Toute la loy gaste et destourne [Jésus] Si nous vueult de son erreur paistre. EMILÏÜS. Ainsi va qui s'atourne : Pechié rompt le col a son maistre. (GRÉBAN, Pass. J., c.1450, 281). |
|
