| 15 exemples |
| 1 | A court mes ans legier passay En mengant mainte soupe grasse ; A espargner riens ne pensay, Ne me challoit fors d'estre en grace. Mais Viellesse qui tout desbrasse M'a ores prins a pié levé : A mengier fault qui a lavé. (TAILLEV., Passe temps D., c.1440, 142). |
|
| 2 | Sire chevalier, il convient que nous mengons ung pou, vous et moy, car aprés tous deduitz convient mengier. (Percef. II, R., t.2, c.1450 [c.1340], 136). |
|
| 3 | ...Sausse n'arez ne jance, La ne fait on reverence a nullui ; Sée qui puet, qui ne siet l'oste tance ; Mal fait manger a l'appetit d'autrui. (DESCH., Oeuvres R., t.7, c.1370-1407, 81). |
|
| 4 | Car sans ami ou compaignon, mengier est vie de lyon ou de loup. Aussi sotieté ou compaignie est naturelment joieuse et aggreable, selonc le dit de Seneque : «La possession de quelque bien n'est joieuse sans compaignon». (DAUDIN, De la erudition H., c.1360-1380, 256). |
|
| 5 | Pour ce qu'ilz n'ont pas confesséz Tout ce qu'ilz font ne vault neant. Or fault qu'il se pourvoie avant Bonne piece de son affaire, S'il veult son sauvement bien faire ; Qui a bonne heure veult mengier, Il fait avant appareiller. (Liber Fort. G., 1346, 199). |
|
| 6 | Je sçai bien que jamais ne m'en pourr[a]i aler ; Ainchois me convend[r]a et ferir et fraper, Et puis qu'il est ainsi, je me vouldrai armer De vins et de vïandes, car j'ay ouï compter Qui bien ne mengera ne pourra bien ouvrer (Enfances Doon de Mayence P., c.1450-1500, 544). |
|
| 7 | ...une foiz mengier est vie d'ange, et deux foiz est droite vie d'omme et de feme, et plusieurs fois mengier est vie de beste, et tout chiet par coustume et par usaige, car de telle vie, soit de boire ou de mengier, comme vous vouldrés acoustumer en vostre jeunesse, vous le vouldrez maintenir en vostre viellesse (LA TOUR LANDRY, Livre pour l'enseign. de ses filles, éd. A. de Montaiglon, 1371, 176). |
|
| 8 | Celuy peut bien menger sans nappe Qui fut engendré sans lincheul. (Menus propos P., 1461, 91). |
|
| 9 | S'on t'aporte bonne viande Et ton appetit te commande Que tu en preingnes largement, Ne fai pas son commandement, Car cils se honnist et deffait Qui trop menjue et riens ne fait. (MACH., C. ami, 1357, 60). |
|
| 10 | Et pour ce conseille je que le seigneur et gouverneur soit sobre, et especialment en boire et en mengier, en telle maniere que il ne soit pas occupé de corps que il ne se puisse deffendre quant il seroit eu fait et en la besoingne ; et meïsmement a estre en fait d'armez, trop estre plain de vin et de viande nuist et empeësche a la santé. Ne il ne nous convient pas vivre pour mengier, mais mengier pour vivre. (VIGNAY, Théod. Paléol. K., c.1333-1350, 52). |
|
| 11 | Et a ce propos racompte Agelle en son premier livre, comment Socrate fu tres sobre toute sa vie, lequel Socrates disoit que les gens ne doivent mye vivre pour mengier, mais mengier pour vivre. (LEGRAND, Bonnes meurs B., 1410, 322). |
|
| 12 | -- Et quant au VJe pechié, qui est de gueule ou de gloutonnie, certes le vray amoreux n'en a tant soit peu, que ce qu'il mangüe et boit n'est que pour vivre seullement sobrement, ainsin que le Philosophe dit, que l'on doit seullement mangier et boire pour vivre et non pas vivre pour boire et pour mangier, comme les gens pourceaux font. (LA SALE, J.S., 1456, 25). |
|
| 13 | Pour che dist Epicure : "Anchois convient regarder avec quelz personnes tu mengeras ou buveras que quel chose tu dois mengier ou boire." (DAUDIN, De la erudition H., c.1360-1380, 255). |
|
| 14 | L'en dit communement qu'il ne fait pas bon menger les prunes avec son seigneur ne il n'est pas bon que le pouvre home aye partaje et divison avecques le riche et puissant. [Le proverbe est illustré par la fable du lion qui chasse avec d'autres animaux et qui garde pour lui tout seul le cerf qu'ensemble ils viennent de tuer] (MACHO, Esope R., c.1480, 81). |
|
| 15 | Dont vient a l'homme l'appetit De machiner d'aultruy la mort ? Le menu peuple s'entremort, Et le grant mengut le petit. (ALECIS, Passetemps Alecis frères P.P., a.1451, 17). |
|
