| 12 exemples |
| 1 | [La mouche dénigre la fourmi ; celle-ci lui répond de la même manière] On ne doit point despriser autruy en soy louant, car qui dit villennie et blasme d'autruy, il doit doubter que on n'en die autant de luy et pour ce, beau parler et gracieux requiert que on luy ayde aussi ; cellui de qui le lait parler vient, requiert qu'on dit die autant de luy. La langue qui est venimeusec Parolle n'avra gracieuse. (Ysopet III B., c.1400-1500, 410). |
|
| 2 | Car le cognoissance des choses si passe loyaument a l'ame par le service de l'oil et de l'oreille, et souvente foiz la langue mal sage si espant les tresors du cuer. (FOUL., Policrat. B., V, 1372, 0). |
|
| 3 | Quant langue doucement parole, Endort la gent comme citole, Com quinterne, comme viëlle, Psalterium, douceine belle. Mès l'ipocrites blandissieres, Li faux mauvès, li puans lierres Deçoit par son barbotement Qui ne resiste justement. (Ysopet I-Avionnet B., c.1339-1348, 236). |
|
| 4 | Le secont damaige qui vient de gloutonnie est maladie et maladies de corps, car selonc le proverbe commun, plus de gens muerent de caup de langue que de caup de lance, et l'Escripture dit que en planté de viandes ne fauldra pas maladie. (MÉZIÈRES, Vertu sacr. mar. W., c.1384-1389, 285). |
|
| 5 | Tiens aussi ta langue soubz resne, Si tu vieulx durer en bon regne. Langue, pour faire compte rond, Tout le monde destruit et rompt (ALECIS, ABC P.P., 1451, 48). |
|
| 6 | Male langue par sa parole Tout le mode engine et afole. L'en ne doit mie tantost croire Que chascune chose soit voire, Car par trop grant credulité Chiet l'en en grant necessité. Oÿ fire va par la vile ; Qui trestout croist, forment s'avile. (Ysopet I-Avionnet B., c.1339-1348, 225). |
|
| 7 | ...il veoit entre elles [des pucelles à leur fenêtre] la Pucelle aux Deux Dragons apparoir tant belle, ce lui estoit advis, qu'elle passoit de trop toutes les autres. Mais encore doubloit plus sa joye en ce qu'elle tiroit du feurre l'Espee Vermeille et la conjoÿssoit et disoit tant que le chevalier l'ouoit : "Certes, perilleuse chose est de mauvaise langue entre amans, car on se encline plus tost a croire le mal que le bien et mal a fait qui a dit du chevalier le contraire de ce que advenu en est." (Percef. V, R., c.1450 [c.1340], 488). |
|
| 8 | ...Pis vault le coup de langue que d'espee d'assier ! (Renaut Mont. B.N. V., c.1350-1400, 219). |
|
| 9 | Ganelo, dist Ogier, laissiés vostre plaidir, Gardés ne les veullés traïtours apeler. Mais s'il sont traïtour et font moult a blasmer Qui preudomme conseullent honnir et vergonder : Pis vault le coup de langue que d'espee d'assier. (Renaut Mont. B.N. V., c.1350-1400, 219). |
|
| 10 | Dy en aprés a ceste bouche que elle soit sur sa garde comment elle parlera peu, atrait et bas (...) ; pieur est cop de langue que d'espee. Garde soy de mansonges, perjuremens, flaterie, mesdire d'autruy. (GERS., Quatr. mercr. Carême G., 1402, 1088). |
|
| 11 | Car oncques morsure de serpent, cop d'espee ou autre pointure ne fut tant venimeuse comme langue de personne envieuse, car elle frappe et tue souvent soy et aultre, et aucunes fois en ame et en corps. (CHR. PIZ., Trois vertus W.H., c.1405, 148). |
|
| 12 | De chou que j'ai parlet, dist li sages, me poise ; De chou que me suis teus, n'est drois q'en aie noise. Taisirs plus que parlers toutes gens priès aquoise ; On fiert plus fort de langhe que ne fache de toise. (GILLES LE MUISIT, Poésies K., t.1, c.1347-1353, 192). |
|
