| 31 exemples |
| 1 | Aprés grans joyes mondaines aulcunesfois adviennent les pleurs et regrés, pour ce que verité est que ceste fragilité mondaine est de pou de duree (Hist. seign. Gavre S., c.1456, 184). |
|
| 2 | ...Dame Noblesse, au brun sourcil non roux, Fort souspirant, vollut ces mos tissir : De coeur dolent joie ne poeult issir. (MOLINET, Faictz Dictz D., 1467-1506, 170). |
|
| 3 | ...Quant tu es dessus ton coursier Chascun voelt devant toy fremir ; Toy, qui fais les aultrez cremir, Tu devenras abhominable : Joye mondaine est peu durable (CHASTELL., Miroir mort V.H., c.1436-1450, 72). |
|
| 4 | LA DAMOISELLE. Que me vallent mes grans atours, Mes habitz, jeunesse, beaulté, Quant tout me fault laisser en plours. Oultre mon gré et voulenté, Mon corps sera tantost porté Aux vers et a la pourriture ; Plus n'en sera ballé ne chanté : Joye mondaine bien peu dure. (Danse macabre femmes H., p.1480, 66). |
|
| 5 | Las ! Il n'a pas En un mesme cuer deux repas, Maiz une vie et un trespas ; Et doit passer un mesme pas Ce qui est un. Joie ou deul, tout est a commun ; Une mort a l'autre et a l'un, Une seule vie a chascun. (CHART., L. Dames, 1416, 215). |
|
| 6 | [La Mort à la jeune mariée] En dansant je vous viens saisir ; Au jour d'huy serés mise en terre ; Mort ne vient jamais a plaisir : Joye s'en va comme feu de ferre. (Danse macabre femmes H., p.1480, 80). |
|
| 7 | Qui est celluy qui passe un jour, Soit en nopces ou en plaisance, Sans avoir ennuy ou doulour, Mouvement de concupiscence, Despit, apetit de vengeance (...) : Brief, il n'est joye sans tristesse. (ALECIS, Déb. omme mond. P.P., c.1500, 161). |
|
| 8 | ...Tost devia la noble Rosemonde, Tost fut Dido d'amours desheritée, Tost se passe la joye de ce monde ! (CH. D'ORLÉANS, Ball. C., c.1415-1457, 563). |
|
| 9 | LE CARDINAL. ...La mort m'est venue assaillir. Plus ne vestiray vert ne gris. Chapeau rouge, robbe de pris Me fault laisser a grant destresse. Je ne l'avoye pas apris ; Toute joye fine en tristesse. (Danse macabre C., 1485, 21). |
|
| 10 | Aprés dit : "Maintenant que n'ay je La joye que jadiz m'advint !" Et ne se souhaite qu'en aage De dix et huit ans ou de vingt : C'est le temps qu'amoureux devint. Il feroit merveilles encor... Joye de viel chien gist en cor. (ALECIS, Passe temps P.P., 1480, 149). |
|
| 11 | De ma jeunesse ou meilleur point - Ainsy que ses ans on compasse - Encores ne pensoye point Comment temps s'en va et passe En pou d'eure et en pou d'espasse Et la nuit vient aprez le jour : Vivre en joye est plaisant sejour. (TAILLEV., Passe temps D., c.1440, 135). |
|
| 12 | Sy tost que Gaudine ouy le cheval hainyr, elle en fut moult courroucie et doulante, et dist au chevalier : "Haa ! Passelyon, vous m'avez mauvaisemment trahie, veu que vous m'aviez proumis que mon cheval se tairoit de vous et de moy, et il m'a accusee. - Belle, dist le chevalier, mal de la joie dont ceulx d'entour n'ont leur part. Vostre cheval nous a veu mener vie joyeuse : qu'en poeut il s'il en chante ?" (Percef. IV, R., c.1450 [c.1340], 719). |
|
| 13 | Ne vous esbahissez en rien ; Il n'est nulle si forte guerre Qu'au derrain ne s'appaise bien (...) ; Grant joye vient aprés grant dueil. (CH. D'ORLÉANS, Compl. C., 1433-p.1451, 273). |
|
| 14 | N'est telle joye comme paix de conscience ; et telle paix est donnee par penitence, et par plaisir mondain ostee. (GERS., Déf., 1400, 243). |
|
| 15 | Si povons conclurre de lui ce qui est dit es Proverbes : «La joye du juste est que justice soit faitte». (CHR. PIZ., Faits meurs Ch. V, S., I, 1404, 64). |
|
| 16 | SALOMON. Mener joye trop exessive A honneur repugne et estrive ; De joye les extremitez Ce sont pleurs et calamitez (Myst. Viel test. R., t.4, c.1450, 401). |
|
| 17 | Au fort, qui a joie du tout, Il ne scet quel en est le goust, Car nul bien n'est prisié sans coust ; Dont je regraite De tant plus la tresdoulce actraitte De joie que Dueil m'a fortraicte, Quant pour la perte ay paine traicte. (CHART., L. Dames, 1416, 250). |
|
| 18 | Mais il n'est bien ne joye si haultaine Que l'en prise se on l'a a peu de paine, Ne ce n'est droit, Car se chascun avoit ce qu'il vouldroit, Ne bien servir ne souffrir n'y vauldroit (CHART., D. Fort., 1412-1413, 165). |
|
| 19 | Et lors devisoie aparmi : "Quant revenra li tamps parmi Que par amours porai amer ?" On ne m'en doit mies blasmer S'a ce iert ma nature encline, Car en pluiseurs lieus on decline Que toute joie et toute honnours Viennent et d'armes et d'amours. (FROISS., Espin. amour. F., c.1369, 50). |
|
| 20 | C'estoit garnison de tous biens Pour faire a cuer d'amant frontiere : Jeune, gente, fresche et entiere ; Maintien rassis et sans changier, Doulce parolle et grant maniere, Dessoubz l'estendart de Danger. De celle feste me lassay, Car joye triste cuer travaille, Et hors de la presse passay (CHART., B. Dame, 1424, 336). |
|
| 21 | LE MAISTRE DE L'ARTILLERIE (d'Holopherne) Evidamment icy se preuve Courage de femme prefix. Seulement pas l'avoir occis, Mais avoir emporté le chef, Encor de mouvement rassis ! De courte joye grant meschef. (Myst. Viel test. R., t.5, c.1450, 350). |
|
| 22 | L'autre dame [...] dist que nul n'i devroit croire, Que l'en ot le grant cerf chassier, Que l'en ne velle pourchassier De lui veoir. Et fait grant joie Et grant delit, mes qu'en le voie, Et si ot l'en les chiens chassier, Ou l'en se peut trop delitier ; Ainssi sont deulz joies eües, D'ouïr et de veoir venues. L'en dist en parole commune : Deus joies valent miex quë une. (HENRI FERR., Modus et Ratio, Livre deduis T., c.1354-1377, 262). |
|
| 23 | Or commance l'istoire a racompter comment Galien secourut Jaqueline sa mere que ses freres vouloient exiller et fere pendre et mourir villainement, dont Galien souffrit moult de paine et de travail. Si dist on souvent que grant joie nourrist grant courroux etl cuide estre a repoux a qui ennuy et paine pend a l'ueil. (Galien Restoré K.K., c.1450, 124). |
|
| 24 | Quant les Caldains percheurent Grigois venir en si noble arroy, ilz commencerent leurs armeures à prendre, car bien veoient aprochier la merlee. Si fust tost nunchié à Melchis en sa tente, qui en eut joye tres grant, et aussi eurent les deux freres de Defur quant ilz en sceurent la nouvelle. Pour quoy ilz firent armer leurs gens et issir hors de la cité pour les Gregois combatre et eulz joindre auz Caldains, desquelz conduissoit l'avantgarde Clares de Mongenson. Mais joye dont dueil sourt est droit nourrice de tourment. (Faits conq. Alexandre N.L., c.1450-1475, 110). |
|
| 25 | Et nëantmoins En ceste foy je demeure et remains Que sages cuers atrempez et humains Pour bonne amour ne pevent valoir mains, Tant est courtoise, Car quelque ennuy qui leur en vieigne ou voise -- De quoy souvent aux fins amoureux poise -- Une joye contre mille maulx poise. (CHART., D. Fort., 1412-1413, 192). |
|
| 26 | LA BOURGOISE. ...Ma conscience fort me mort De folies faictes en jeunesse Qui me sont a rebours tresfort [:] Joye en la fin tourne en tristesse. (Danse macabre femmes H., p.1480, 68). |
|
| 27 | ...Viellesse m'atendoit au pas Ou elle avoit mis son embusche : Qui de joye ist en dueil trebusche. (TAILLEV., Passe temps D., c.1440, 137). |
|
| 28 | Povre homme et viel a dolleurs cent Quant Penser lui fait souvenir Du temps qu'il fust adollescent Et qu'il estoit en son venir Car tel ne puet redevenir. C'est ce qui son bien amendrist : Qui entre en grant joye a mendre yst. (TAILLEV., Passe temps D., c.1440, 149). |
|
| 29 | Bien esbay me treuve quant je pense Qu'il fault mourir au fort de ma jennesse. Las ! quel loier et povre recompense, Mais riens n'y vault regret ne doleance, La fault passer, c'est la commune dance : Tel vit en joie qui meurt en grant tristesse. (HAUTEV., Compl. B., c.1441-1447, 65). |
|
| 30 | Le prodigue gaste sans nul pourpens: Et au large le bien sourt et habonde, Dont il rent soy et les autres contens ; C'est l'enseigne des vertuz en ce monde. Don receü oblige le prenant, Et le donneur sa grant bonté acquite ; Le donné vault plus que le remenant Car bien mucé porte joye petite. (CHART., B. Nobles, c.1424, 405). |
|
| 31 | Si tost qu'on a osté la table Il n'en souvient a nully gueres [:] Joye de menger est peu durable[.] (Danse macabre femmes H., p.1480, 104). |
|
