| 28 exemples | | 1 | Nous avons coustume de vaincre, non pas estre vaincus. Si n'avons cause de doubter, anchois de prendre bon comfort et nos courages affermer. Car de trop cremir la mort ne vint oncques honneur a homme, au moins puis qu'elle est honnourable autant que de mourir pour son seigneur. (Faits conq. Alexandre N.L., c.1450-1475, 18). | |
| 2 | Mais honneur est bien sans richesse, Et certes, c'est plus grant noblesse D'avoir honneur et povres estre, Que sans honneur estre grant mestre Et avoir d'or une grant somme. Nompourquant je di, c'est la somme, N'est richesse qui honneur vaille. Honneur est grains ; richesse est paille. Dont qui a honneur, il est riches (MACH., C. ami, 1357, 103). | |
| 3 | Vouz avez veu le jugement notable De Salomon, hault juge veritable ; Pardonnez nous se nous n'avons fait mieux ; L'honneur mondain a l'homme est peu durable : Juge doit estre prudent et vertueux. (Myst. Viel test. R., t.4, c.1450, 383). | |
| 4 | Et pour ce que elle cognoistra que les honneurs communement eslievent en orgueil, son cuer disposera en toute humilité et pensera en soy meismes que nonobstant que il apertiengne a l'estat de son seigneur et du degré où elle est que des honneurs reçoive, ja en quelque dominacion que elle se voye, son cuer n'en sera blecié en arogance ne eslevé en pensee (CHR. PIZ., Trois vertus W.H., c.1405, 29). | |
| 5 | Peu vault honneur qui si tost passe. (MIÉLOT, Prov. U., 1456, 197). | |
| 6 | LE PAPE. ...J'ay eu dignité souverainne En l'eglise comme saint Pierre ; Et comme autre mort me vient querre. Encor point morir ne cuidasse, Mais la mort a tous mainne guerre. Peu vault honneur qui si tost passe. (Danse macabre C., 1485, 17). | |
| 7 | Ch'a dit li roys Corsubles àle fiere vigour : Sire, crestien sont en lor fait traïtour, Engigneus et soutil, pour nous prend(e)re a leur tour, Et il vaut miex a l'omme, che dien li pluisour, A perd(e)re son avoir que perd(e)re son honnour, Si que d'aler avant, par Mahon que j'aour, N'arés ja mon conseil, ammains hui en che jour, Jusqu'a tant c'on sara leur force et leur vigour. (Bât. Bouillon C., c.1350, 190). | |
| 8 | [Les Anglais en supériorité numérique décident d'attaquer les Français ; un de leurs chefs dit ] ...si sera pou d'onneur a nous certainement, Et ne sera tenu a nul bon hardement, Se de nuiz assaillons les François tellement, Car on dist a la foiz : "Mieulx vault honneur qu'argent." (CUVELIER, Chans. Guescl. F., c.1380-1385, 464). | |
| 9 | Nostre roy est humble et bien entendu, Le roy, son pere, est le plus grand du monde, Sa compaigne est exemple de vertu, Leus enffans ont les biens de Dieu sentu ; Leurs parens sont de saincte vie et monde, Puissans paÿs ont sur la rerre ronde (..) : Royal honneur vault myeulx que fin argent. (MOLINET, Faictz Dictz D., 1467-1506, 391). | |
| 10 | Mieulx vault honneur, bonne grace et bon los Que avoir florins mal acquis, dire l'os. (Beufves Hant. I., c.1499-1503, 323). | |
| 11 | ...Mieux valt vivre en honneur en povreté rieulee Que blasme recevoir en riquesse acatee Dont on perde la vie (Jourd. Blaye alex. M., a.1455, 222). | |
| 12 | Cestui [Scipion] moult les amonestoit De demourer et dist, sanz faille, "Que contre eulx [les Carthaginois] ira a bataille, S'il y a cil, qui se remeuve, Et que Fortune se reneuve Souvente foiz, dont il espoire Qu'encore tourneront en gloire ; Et mieulx vault a honneur mourir Qu'a honte fuïr et courir." (CHR. PIZ., M.F., III, 1400-1403, 217). | |
| 13 | ...que voz dons soient par largesse et honneur employez, car de l'un vient l'autre, qui bien le veult entendre : honneur vient de largesse, et par honneur on est en tous lieux bien venu. Si vous conseille que en toutes compaignies soyés larges, doulz et courtois, si serés de toutes gens prisié, amé et chery (Mabrien V., 1462, 118). | |
| 14 | Que dira le roy vostre frere et que diront tous les gentilz du monde quant ilz sçaront que je seray en vie et que mon liege sire sera mort ? Mieulx vault que je muire en luy et moy deffendant que je le laisse, car mieulx vault morir à honneur que vivre à honte (Percef. I, R., t.1, c.1450 [c.1340], 264). | |
| 15 | S'amours vousist que chascuns fust peüz De ses grans biens, sanz ce qu'il eust destrece, Mal ne dolour par avant cogneüz, Nulz ne tendroit ses biens de tel hautesse Com depuis fait ; pour tant au premier blesse Ses vrais servans que puis doucement saine, Car nulz ne doit avoir honeur sanz paine. (MACH., App., 1377, 651). | |
| 16 | Et ainsi que le laboureur frappoit dessus l'aubier, le buisson luy dist : "Certes, mon frere, se tu feusses aussy petit que moy, maintenant l'on ne te mist point par terre." Et, pour ce l'on ne se doit esjouir de son honneur, car tel est maintenant en grant honneur qui encore tombera en grant deshonneur. (MACHO, Esope R., c.1480, 216). | |
| 17 | On dit souvent que les honneurs A quoy on vient muent les meurs. Puis qu'il est à ce point venu Qu'il est emperiere tenu, Les crestiens un pois baien Ne prise, li qui est paien. (Mir. st Lor., 1380, 155). | |
| 18 | Et contre ceulx qui dient les honneurs changent les meurs, ilz ne donnoient mie les offices ains que le sens fust venus (CHR. PIZ., Paix W., 1412-1413, 82). | |
| 19 | Et pour ce qu'Escripture dit (Ce que un proverbe ne desdit) Que " l'en ne doit porter honneurs, Fors a ceulx qui ont bonnes meurs " Que cuidez vous qu'il me faisoit Grant mal et qu'il me desplaisoit Qu'il couvenoit grant honneur faire A ces gens de si faulx affaire, Genous enclins a eulx parler, Et " monseigneur " les appeller ! (CHR. PIZ., M.F., II, 1400-1403, 46). | |
| 20 | Ceste convoitise d'honneur en un prince est moult recommandable, car elle fait garder curieusement ce qui est acquis par luy ou par autruy ; et de ce qui reste à pouvoir acquerre par labeur, elle donne soing et attente, et volontiers tous caux qui sont de cest esgart, coustumièrement sont hauts et esleus courages et nets et honnestes, sans reproche, et peu les voit-on encheoir en mésus. Et pour ce dit-on vulgairement ce : "Qui aime son honneur, il aime son âme". (CHASTELL., Avert. duc Ch. K., 1467, 301). | |
| 21 | Tel veult bien qu'on luy face honneur Qui ne fait honneur a personne. (ALECIS, Faintes monde P.P., c.1460, 91). | |
| 22 | Mercure sieut le soleit assez prés, Il ceurt apprez, il est souvent en voye ; Son eslongier est de trente fegrez ; Sans nulz regrectz, regards luy sont monstrez Bien accoustrez d'amours qu'y luy envoye ; Il compte, il roye, il chemine, il charoye, Fort bire s'arroye à furnir sa despense ; Le bon servant l'honneur du maistre pense. (MOLINET, Faictz Dictz D., 1467-1506, 378). | |
| 23 | [L'empereur Frédéric comparé tantôt à un chêne, tantôt à l'arbre de Jessé, comme ici, a un fils qui sera source de gloire pour lui.] C'est la racine et arbre de Jessé, Pere des roix, geniteur de David, Qui, comme luy, s'il n'est interessé, Portera fruict de proesse amassé, La pomme d'or dont Allemaine vit ; Et se le pere a eust grand I>audivit/I>, Le filz aura bruit en plus haulte spere : L'honneur du filz est la gloire du père. (MOLINET, Faictz Dictz D., 1467-1506, 274). | |
| 24 | ...sachiez de vray que l'omme qui dit bien d'autrui exaulce son honneur et en fait d'armes le preu chevalier doit tousjours celer ses proesses et recorder cells d'autrui. Et s'il est porté par terre d'un preu chevalier, il doit estre tres desirant de le cognoistre, parquoy il le puist nommer et reciter ses proesses devant dames, damoiselles et chevaliers (Percef. V, R., c.1450 [c.1340], 127). | |
| 25 | Le gentil Despourveu, quy se veoit en ce point honnouré et prisié au premier fait d'armes ou il avoit esté en sa vie, estoit tant honteuz que plus ne pouoit, et ne sçavoit que respondre, fors seulement : "Sire, vous faittes vostre honneur de tant loer ung povre gentilhomme comme je suis. La recommandation en est plus vostre que mienne, car a celluy qui dist les biens doivent retourner les honneurs." (Trois fils rois P., c.1454-1463, 116). | |
| 26 | Finablement, le duc lui fist honneur et chière bonne, et prirent vin et espices ensemble, et puis départirent chacun, sauve sa querelle. Mais plus gagne celuy qui honnore autrui en soy humiliant soubs son moindre, que qui pour non honorer son meilleur, soy-mesme blasme et ravale, selon le proverbe ancien disant : "Que l'honneur n'est pas en celuy qu'on honnore, mais en celuy qui l'honneur fait et monstre." (CHASTELL., Chron. K., t.4, c.1456-1471, 112). | |
| 27 | Honneurs mondains sont souvent chiers tenus Mais en la fin nul n'en emporte nulz. (Beufves Hant. I., c.1499-1503, 322). | |
| 28 | Que vault estre de ce monde monarche Comme Cesar et aussi glorïeux ? Que vault avoir l'or du monde en son arche, L'argent aussi et joyaux precïeux ? Puis que la mort nous pourchasse en tous lieux Qui de tous biens mondains nous desherite, Honneur mondain chiet tost par mort subite. (Paraboles Maistre Alain H., 1493, 66). | |
|
