| 28 exemples | | 1 | Guerre, de sa propre naissance, vient par defaulte de justice, car, se tous estions justes, force d'armes ne nous auroit besoing. (CHART., Q. inv., 1422, 27). | |
| 2 | Et bien appartient ceste chose Leur dire et magnifester, que de guerre homme en proppose Mes fortune en veult discuter.Sy les povons nous surmonter Et les avoir sans nul deffault (Myst. siège Orléans H., c.1480-1500, 621). | |
| 3 | Trop mauvaise nouvelle reporte en son païs, Car contre les Rommains n'est ne pais ne respis, Ains en sera maint homs affolés et honnis, Maint escu defroissiés et maint cheval occis, Et ars et essilliez autel et crucefix, Et mis a grant douleur femmes, enffans petis, Car adez de la guerre ont povres gens le pis. (Theseus Cologne I, 2 B., c.1361-1374, 170). | |
| 4 | ...Cent mille et plus sont passés par l'espee ; Par main armee ou poison venimee, Trop allumee, ont paié les treuaiges : Qui sert la guerre, il en reçoit telz gaiges. (MOLINET, Faictz Dictz D., 1467-1506, 75). | |
| 5 | Boin est de boine fin avoir chiertainement, De grant wière, grant pais, on le dit ensement (GILLES LE MUISIT, Poésies K., t.2, c.1347-1353, 202). | |
| 6 | Entendés quelle guerre : orgueil enhorte laborer a vanité ; peresse, luxure et gloutennie tendent a soy reposer ; envie et ire la dessirent ; avarice la pourmaine et traine. Mais aprés grant guerre grant paix. (GERS., 1407, Oeuvres complètes G., 1093). | |
| 7 | Homs qui se desconforte et tristement se contient est tost maté. Mettez tout contre tout, ains que soiiés sousprins. Nulz ne se doit esbahir de chose qui en guerre sourviengne, car telz vainct au jour d'huy qui demain s'en fuira, et telz prent prisonnier duquel il serra prins aprez, quant delivré l'avra. Et aprés grant guerre vient grant paix. (Faits conq. Alexandre N.L., c.1450-1475, 186). | |
| 8 | Et, pour ce, au temps de infortune, il ne fault point desesperer, mais faut avoir esperance d'avoir mieulx en prosperité, car aprés grant guerre vient grant paix et aprés la pluye le beau temps. (MACHO, Esope R., c.1480, 100). | |
| 9 | En grant guerre ne gist que bonne pais, Mais je me voi guerriiés asprement D'Ardant Desir et de tous mes soubjés, Qui nuit et jour m'assallent telement Que je ne puis nullement Avoir arest, tant fors est leur assaus (FROISS., Ball. B., c.1362-1377, 20). | |
| 10 | Fredet, j'ay receu vostre lectre, Dont vous mercie chierement, Ou dedens avez voulu mectre Vostre fait bien entierement ; Fier vous povez seurement En moy, tout, non pas a demi, Au besoing congnoist on l'ami. S'amour tient vostre cuer en serre, Ne vous esbahissez en rien ; Il n'est nulle si forte guerre Qu'au derrain ne s'appaise bien (CH. D'ORLÉANS, Compl. C., 1433-p.1451, 272). | |
| 11 | Quelle paix demandes tu, quant il est en ta puissance de tout avoir par armes ? Car guerre ne se fait que pour avoir paix ; fais forte guerre, et tu auras paix par subjuguer tes ennemis. (JUV. URS., Aud. celi, 1435, 221). | |
| 12 | Dist le roy : "Cy a malle guerre, Lonc temps a qu'elle ne fina : La guerre est male qui fin n'a. Fin eüst si bien vous voulsisiez..." (Renart contref. R.L., t.1, 1328-1342, 38). | |
| 13 | Faussé a puissedi [le fel Aubuïn] et foy et sierement Et saisy le païs et destruite la gent Et Gerart soit venuz pour prendre vengement, C'es de droit, Caton dist que pour son casement Doit on bien lever guerre. (Jourd. Blaye alex. M., a.1455, 613). | |
| 14 | "Sire", dist Peresche, "il me semble que Envie en a très bien parlé et que d'entreprendre une si grant chose comme ceste ci en haste ne seroit mie vostre profist, quer l'en est tost venu à la guerre, qui veut, mais l'en n'en est mie hors, qui veut." (HENRI FERR., Modus et Ratio, Livre deduis T., c.1354-1377, 98). | |
| 15 | Peut estre que, soubz umbre de nous [seigneurs], mains grans oultraiges se font, car en guerre, ou la force est et le fer seigneurit, ne peut droit dominer ; mais a bien enquerir, il sera trouvé que gens du peuple et de bas estat, qui se mettent sus soubz le nom d'armes, sont coupables de ces horribles excez, et naist d'entre ceulx du peuple le mal qui sur le peuple redonde (CHART., Q. inv., 1422, 33). | |
| 16 | AMINADAS. Ou est guerre justice est morte. ACHIOR. Guerre tout destruit nettement, Car sans pitié droiture avorte (Myst. Viel test. R., t.5, c.1450, 263). | |
| 17 | [Las Flamands cherchent à conquérir Tournai] Et on dist et voirs est qu'il n'est si felle guerre que de voisins et d'amis. Et entre les assaus que li Flamench fisent, il en y eut un qui dura un jour tout entier. (FROISS., Chron. L., II, c.1375-1400, 47). | |
| 18 | Et le bon roy de France qui Ludovis ot nom O son arriere ban estoit dedens Noion. S'ot envoié son frere c'on nomma Phillippon (...) Par devers Ciperis pour savoir l'ocoison S'on pourroit apaisier la leur discencion Et la cruelle guerre. Car bien dire poeut on Qu'il n'est si male guerre en nulle region Que d'amis l'un a l'aultre quant il y a tenchon. (Cip. Vignevaux W., p.1400, 181). | |
| 19 | Mais on dit communement une parolle asses veritable : il n'est ni [l. si] mauvesse haynne couverte ne si mauvesse gerre que de voisins ensanble l'eun a l'autre (JEAN DE HAYNIN, Mém. B., t.1, 1466-1477, 109). | |
| 20 | ...je trouve que que la souverayne guerre qui soit est celle qu'on a en son hostel ; cat là où elle est, Dieu ne aultre bien n'y poeut demourer ; et se briefment n'y est pourveu, il n'est mye possible que tout ne voise a mal (LA SALE, Sale D., 1451, 96). | |
| 21 | Il y a guerre coustumiere Entre tenebrez et lumiere, Entre la nuitie et journee, Et serenité et nuee ; Si ont guerre et mortel envie La char, l'esprit, la mort, la vie. Se la char vaint, l'esprit perist, Se la mort vaint, la vie occist. (THOMAS MAILLET, Prov. Alain H., c.1375-1400, 61). | |
| 22 | ...Sy vendront tant de soudoiers Pour venir querir leurs deniers Que les champs en seront tous plains, S'en feront et souppris et plains, Mais, quant I>Opportet/I> vient en place, Adont convient que l'en le face, Car, quiconquez veult guerre emprendre, Son argent li convient despendre. (LA BUIGNE, Rom. deduis B., 1359-1377, 199). | |
| 23 | Et ne veons point de rescouse en cela, et pour ce, nous volons nous retraire et retourner en Hainbon. Se nous perdons la Roce Deurient pour celle fois, une aultre fois venra que nous le recouverons. Il n'a pas .II. mois que nous le conquesimes : une fois desous et l'autre desus, ce sont li estat de gerre. (FROISS., Chron. D., p.1400, 815). | |
| 24 | Ils ont plus dur que eulx rencontré Qui leur a foncé leurs hyaulmes. Guerre fait perdre mains royaulmes. (GAGUIN, Passe temps oisiv. T., 1489, 408). | |
| 25 | Ensi ala de l'abeie de Marchiennes. Elle fu toute arse et essillie, dont ce fu damages ; mais en gerre il n'i a nulle pité ne merchi, et li varlet qui poursievent les gens d'armes, font plus a la fois, qant il se voient au desus de lor emprise, que on ne lor conmande. (FROISS., Chron. D., p.1400, 439). | |
| 26 | Il [l'homme] prent fiere et cruelle vie Et laisse humaine affection (...). Guerre fait l'homme forsené. (GAGUIN, Passe temps oisiv. T., 1489, 411). | |
| 27 | Priez, prelas et gens de sainte vie, Religieux ne dormez en peresse, Priez, maistres et tous suivans clergie, Car par guerre fault que l'estude cesse (CH. D'ORLÉANS, Ball. C., c.1415-1457, 123). | |
| 28 | Dieu les a pris, l'hoste et l'hostesse humaine, Je ne scés més quel estat on y maine, Les enfans sont dispers et eslongiés ; Par guerre sont toutes gens mal logiés. (MOLINET, Faictz Dictz D., 1467-1506, 164). | |
|
