| 14 exemples |
| 1 | Disoit aussy qu'il estoit le premier entre les pecheurs, et qu'il ne se jugoit riens scavoir fors Jhesu Crist crucifié. Et ailleurs il se loue, ce samble, tout au contraire. Que dirons nous icy ? Nierons nous ces choses ou les accorderons nous ? Nous les accorderons a l'excellant louange de saint Pol, car par ces choses nous sont monstrees pluseurs vertus en luy (GERS., P. Paul, a.1394, 502). |
|
| 2 | Amour d'argent commendera a ung autre flater, mentir, parjurer, souffrir injures, blaphemes, accorder quanque on dira, maintenant l'un, tantost le contraire, faire toutes choses tant soyent horribles, tant soyent crueuses et abhominables a Dieu et au monde : sans reffus il y obeyra. (GERS., Concept., 1401, 412). |
|
| 3 | Et pur ceo me acorderoie, tresdouz Sires, si vous plest, de celuy precious sank qe vous espandistez pur moi a prendre pur oynement (HENRI LANC., Seyntz medicines A., 1354, 161). |
|
| 4 | N'avons nous pas de nostre Dame qui se reputoit petite ancelle et ung neant a son jugement, laquelle neantmoins fut de telle manificence que elle s'accorda a estre mere de Dieu ? (GERS., P. Paul, a.1394, 502). |
|
| 5 | ...le pere luy dist : "Beau filz, tu yras a ceulz que tu cuides estre mes amis, et faindras que je suys en prison condampné a mort, se secours ne me font en ce derrien besoing". Le filz s'i accorda et quant il ot partout alé, il feist son rapport a son pere (GERS., Concept., 1401, 415). |
|
| 6 | "Belle suer Raison, je me accorde bien que Dieu est, et ainsy le tesmoingne toute chose selon ce que tu as dit par avant..." (GERS., Trin., 1402, 159). |
|
| 7 | ...par cella en tresbenoite et douce pucelle acordantz feurent [la divinité de Dieu et l'humanité de la Vierge], par qel acorde nous feusmes acordeez de touz desbatez et descords. (HENRI LANC., Seyntz medicines A., 1354, 160-161). |
|
| 8 | "Ame devote, bien nous devons esjouyr, car Recue avons misericorde Qui les pecheurs a Dieu accorde" (GERS., Purif., 1396-1397, 60). |
|
| 9 | Fut semblablement envoyé devers Rolo, duc de Normandie, pour le mariage de lui et de l'autre de ses filles et lui fut accordée moïennant qu'il se fist baptiser, ce qu'il fist et nomma le païs Normandie, qui par avant avoit nom Neustrie, et fut environ l'an VIIIcIIIIxx. (SIMON DE PHARES, Astrol., c.1494-1498, f° 108 r°). |
|
| 10 | ...ce que conferme le sage Chaton Uticensis, disant : "Majores nostri, non tam armis quam celesti disciplina, res publiquas ex parvis magnas fecerunt". Ausquelles choses accorde assez saint Jerosme en une epistre ad Paulinum disant : "Taceo de gramaticis..." (SIMON DE PHARES, Astrol., c.1494-1498, f° 8 r°). |
|
| 11 | Car de loy commune l'un sans l'autre ne se fait point en la justificacion du pecheur par penitence : ne grace sans voulenté, ne voulenté sans grace. Et en ce est le merite, que voulenté s'accorde a grace. Exemple de l'ayment qui attrait le fer : ainsy fait Dieu l'ame. Vous veés en saint Pol, que tantost a la vocacion ou prevencion de Dieu il respondit en ouvrant l'uys de son consentement : "Sire, que veulz tu que je face ?" Il adjousta doncques a grace bonne voulenté. (GERS., P. Paul, a.1394, 498). |
|
| 12 | ...et predist au peuple ce qu'il devoit advenir des quatre principaulx regnes du monde et de leur deffinement, et qui premier regneroit (...) à laquelle prenosticacion se accorda puis la prophecie de Daniel, qui fut, selon aucuns d'eux, mille trois cent cinquante ans après, comme appert en son second chappitre. (SIMON DE PHARES, Astrol., c.1494-1498, f° 14 v°). |
|
| 13 | Car toute rien chiet en décours Qui trespasse son propre cours, à quoy bien loyalment s'acordent Les Anciens et si recordent Que diverses mutations Des temps en leurs complexions, Et qui n'observent par droiture Leur consistence et leur nature, Engendrent dures passions Es gens par leurs impressions (LA HAYE, P. peste, 1426, 52). |
|
| 14 | Cestui predist la douloureuse combustion de Cartage qui brula XVII jours sans cesser, comme dit est, et fut sur la interrogacion de Scypion et s'acorderent plusieurs tous à une oppinion, c'est assavoir maistre Paloos de Bordeaux, Marcel de Paris et Angel d'Austun. Là plusieurs hommes et femes aymerent mieulx se gecter ou feu, que venir en la merci de leurs ennemis. (SIMON DE PHARES, Astrol., c.1494-1498, f° 65 v°). |
|
