| 11 exemples |
| 1 | Aucuns dient qu'il fut aussi cause et donna conseilh que le roy Cambises fist escorcher le faulx juge, sur la peau duquel il fist asseoir son filz en la chaise de justice ad ce qu'il advisast à sentencier droit. (SIMON DE PHARES, Astrol., c.1494-1498, f° 46 r°). |
|
| 2 | La IIIIe question, a scavoir se les apostres au jour d'i a la recepcion du Saint Esperit sceurent toute science ? Je respon que oy, a parler de science qui estoit neccessaire au salut et a predicacion, et furent au jour d'ui maistrisiez et assis fermement en la chaire de vraye foy, et par avant avoient estez licenciez (GERS., Pent., p.1389, 83). |
|
| 3 | Pourquoy ledict Salomon fist assembler en ung convy mille de ses chevaliers d'une part et mille dames, leurs femmes d'autre et lui mesmes, par ordre commençant au premier assiz et finissant au derrenier, leur donna à tous à boire (SIMON DE PHARES, Astrol., c.1494-1498, f° 34 r°). |
|
| 4 | L'art de paintures fust premier trouvé en Egipte en pourtraiant le umbre d'un homme de lignes contre le mur. Et puis le firent de simples couleurs, et aprés ilz se estudierent a le faire de diverses couleurs, et ainsi pou a pou cel art a prouffité et trouvé la difference de couleurs et la maniere de les asseoir. (CORBECHON, Couleurs S., 1372, 384). |
|
| 5 | Si est seurté que l'ostel soit Miz et assiz en tel endroit Que le vent de Sut nullement Ne puisse férir largement Dessuz le lieu ou habitacle, Pour aucun moïen ou obstacle, Pour lequel vent, qui forment nuit, Doit l'en clorre, de jour et nuit, Tous les huiz et toutes fenestres Devers Medi (LA HAYE, P. peste, 1426, 78). |
|
| 6 | Cestui fut vray astrologien et le monstra bien à la construction de la cité de Epheson, qu'il assist sur le fleuve du Phar. (SIMON DE PHARES, Astrol., c.1494-1498, f° 25 v°). |
|
| 7 | ...c'estoit celui [Du Guesclin] duquel les livres de Merlin faisoient mencion, qui devoit apparoir en ce temps, qui portoit l'aigle à deux testes. À ceste cause ne tint gueres contre lui, ains lui ceda la place de Turgof, disant qu'il estoit de la condicion à l'estournel, c'est que là où il se asserroit, les autres tous se asserroient et faisoit tout vuider. (SIMON DE PHARES, Astrol., c.1494-1498, f° 141 r°). |
|
| 8 | ...et pour ce que on peust raisonablement traire des eschez dessusdiz, pour ce convint il ordener qu'il y eust de poins vuis autant come de plains au commencier du gieu ; et par ainsy, il fu neccessité qu'il y eust .LXIIIJ. poins en l'eschiquier, c'est assavoir .XXXIJ. plains de eschés et .XXXIJ. vuis, et c'est voir selon la maniere de asseoir de Lombardie qui vient de la premiere ymaginacion, ce samble, de ceulx qui trouverent le gieu premierement. (EVR. CONTY, Eschez amour. mor. G.-T.R., c.1400, 608). |
|
| 9 | Cestui fonda une cité nomée Aclydem, assize au pié du mont Olympus, jouxte Macedone, et y ordonna les jeux que ce faisoit de V ans en V ans que l'on appella Olympiades (SIMON DE PHARES, Astrol., c.1494-1498, f° 26 v°). |
|
| 10 | Premiers ly fin dyamant soy traihent tout al regarder, à coulour de fier poly, quant il sont assis en ouvrage. (MANDEVILLE, Lap. M., c.1350-1390, 175). |
|
| 11 | Maiz se ce mot "legiere" estoit ailleurs assiz ou aucun consonant aprés lui s'ensuivist, lors tenroit il le lieu de .IIJ. sillabes et osteroit simplement la mesure de la ryme, si comme se on disoit, "No foy a condempner legiere seroit." (EVR. CONTY, Harm. sphères H.P.-H., c.1400, 77). |
|
