| 13 exemples | | 1 | Au temps pascour que toute riens s'esgaie, Que la terre de mainte colour gaie Se cointoie, dont pointure sans plaie Sous la mamelle Fait Bonne Amour a mainte dame belle, A maint amant et a mainte pucelle, Dont il ont puis mainte lie nouvelle Et maint esmay, A ce dous temps, contre le mois de may, Par un matin cointement m'acesmay (MACH., J. R. Beh., c.1340, 57). | |
| 2 | Mais n'alay pas le trait d'un arc Que près de la tour vi un parc Ou prëaus ot et fonteneles, Dames, chevaliers et pucelles, Et d'autre gent grant compaingnie, Moult joieuse et moult envoisie Qui dansoient joliement (MACH., R. Fort., c.1341, 123). | |
| 3 | Et quant elle ot son chant finé, Vers moy a son chief encliné En riant doucement, com celle Que je tieng pour vierge et pucelle (MACH., R. Fort., c.1341, 73). | |
| 4 | C'estes vous, tres bele, Qui estes l'entele Flourie et nouvelle, Mere, où Dieu, vierge et pucelle, Par deduit, Einsi le cuit, S'engendra, quant Gabriel Vous dist la nouvelle Qui "ave" s'apelle. (MACH., Lays, 1377, 398). | |
| 5 | Moult devotement reclamoit Nostre Dame que moult amoit, Et li disoit : "De Dieu ancelle, Vierge, glorieuse pucelle, Vierge pucelle, vierge mere, Mere dou fil, et fille au pere, M'amour, ma deesse, ma dame, Au jour d'ui recevez mon ame Et metez en vo compaingnie." (MACH., P. Alex., p.1369, 271). | |
| 6 | Je vous di que maint bacheler, Maint chevalier, meinte pucelle, Maint bourgois, meinte damoiselle, Dames, bourgoises, a eslais, Prelaz, moinnes et clers et lais, Brief et de tous autres estas, Venoient cëans a grans tas Pour eaus soulacier et esbatre (MACH., D. Lyon, 1342, 191). | |
| 7 | De lui nouvelles li venirent Qui forment au cuer la poingnirent Qu'il estoit a un tournoy mors. "Lasse !" dist elle, "quel remors Puis avoir de ceste nouvelle !" A cest mot chey la pucelle A la terre, toute estendue. Adont sa mere y est venue Acourant moult dolentement ; S'en prist a plourer tenrement Et la fist porter en un lit. (MACH., J. R. Nav., 1349, 201). | |
| 8 | Et se Dieus si ton fait adresse Que lieu pregnes ou forteresse Ou il ait dames, damoiselles, Bourgoises, filles et pucelles, Eu nom de la vierge Marie A ton pooir ne sueffre mie Que des tiens soient violees, Corrompues ne desflourees. (MACH., C. ami, 1357, 120). | |
| 9 | Là veïst on maint drap de soie, Et de fin or qui reflamboie Ardoir, et mainte dame belle, Maint Sarrazin, mainte pucelle, Maint Turc et maint enfant perir, Par feu, ou par glaive morir. (MACH., P. Alex., p.1369, 21). | |
| 10 | Biaus signeurs, dames, damoiselles, Dames vefves, filles, pucelles, Je vous requier, pour Dieu merci, Chastiez vous et mirez ci. (MACH., P. Alex., p.1369, 261). | |
| 11 | Mors est li bons roys, c'est damages. Plourez, honneurs et vasselages, Plourez enfans, plourez pucelles, Plourez dames et damoiselles, Plourez aussi toutes gens d'armes, Plourez sa mort à chaudes larmes. (MACH., P. Alex., p.1369, 273). | |
| 12 | Et la ma dame s'endormi, Tousdis l'un de ses bras sur mi. La fui longuement delés elle Plus simplement c'unne pucelle, Car je n'osoie mot sonner, Li touchier në araisonner Pour ce qu'elle estoit endormie. (MACH., Voir, 1364, 338). | |
| 13 | Quant li pueples partis s'estoit, Lors en son vergier s'esbatoit Susannë avec ces pucelles Qui estoient gentes et belles ; Si la vëoient ombroier Tous les jours et esbanoier Li vieillart plein d'iniquité (MACH., C. ami, 1357, 5). | |
|
