| 31 exemples | | 1 | Elle s'est mise en la subjection D'Amours a qui elle a fait de li don Entierement, Et vuet qu'elle ait trés souvereinnement, Com ses souvreins, seur li commandement Si qu'el ne puet contrester nullement A son plaisir, Eins li couvient en tous cas obeïr. (MACH., J. R. Beh., c.1340, 85). | |
| 2 | Or soit einsi fait par acort ; Mais vous en ferez le recort Dou prendre tel que vous vorrez. Contredire ne le m'orrez, Eins y sui acordans dès ci A vostre plaisir, sans nul si. (MACH., J. R. Nav., 1349, 174). | |
| 3 | "...Faites moy unes armeüres, Bonnes et belles et seüres, Qui seront pour cest enfançon. Et si les vueill de tel façon Que li ouvrages croistera Selonc ce qu'il amendera." Vulcans respont comme avisez : J'oy bien ce que vous devisez. Si feray tout vostre plaisir, Car voloir en ay et loisir. (MACH., P. Alex., p.1369, 7). | |
| 4 | ...Tuit si penser, tuit si desir Furent en faire le plaisir De dames et de damoiselles. (MACH., P. Alex., p.1369, 9). | |
| 5 | Or en soit a vostre plaisir, Car sans vous ne puis avenir A la joie que tant desir ; Mais je vous vueil tant oubeïr Que pour ma dame vueil morir En pacience, Se c'est vos grez (MACH., R. Fort., c.1341, 122). | |
| 6 | LE JUGE. Guillaume, ne vueil contredire. Dites ce qu'il vous plaist a dire, Hastivement ou a loisir ; Ouvrez en a vostre plaisir. Je vueil bien oïr et entendre, Et s'ay assez loisir d'atendre. (MACH., J. R. Nav., 1349, 196). | |
| 7 | Et fust uns homs trestout enmy Grant planté de ses annemis, Qui tuit li eüssent promis La mort, et tuer le porroient A leur plaisir, quant il vorroient, Lui vivant en celle paour, Non obstant grieté ne frëour, Se trouveroit il reconfort. (MACH., J. R. Nav., 1349, 210). | |
| 8 | Et si n'avoient pas vitaille, Ne gouvernance à leur plaisir, Qu'il n'avoient temps ne loisir D'eaus aisier, ne de l'aler querre, Ou de l'avoir en mer n'en terre. (MACH., P. Alex., p.1369, 95). | |
| 9 | Mais Amour fait mon cuer languir Et si m'est contraire N'elle ne me daingne garir, Ne je ne puis plaire À la bele que j'aim et desir, Qui à son plaisir Me puet faire et deffaire. (MACH., Ch. bal., 1377, 582). | |
| 10 | Pour ce dou tout mes cuers s'ottroie A son plaisir et a son vueil, Car tout ce qu'elle vuet je vueil ; N'a ce mon cuer n'iert anemi Qu'elle a dit et promis de mi, Eins yert bonnement avouée, Sans penre terme ne journée. (MACH., R. Fort., c.1341, 140). | |
| 11 | Et quant elle ot a son plaisir Veü mon estre, et a loisir, Et qu'elle sot sans couverture De mon mal toute l'encloüre, Et qu'en tele doleur estoie Des maus d'amours que je sentoie, (...) D'une bele vois, clere et seinne, Plus douce que nulle douceinne, Me dist... (MACH., R. Fort., c.1341, 57). | |
| 12 | Encor y a maint ressort : Ramembrer, Ymaginer En dous plaisir Sa dame vëoir, oïr, Son gentil port, Le recort Dou bien qui sort De son parler (MACH., R. Fort., c.1341, 17). | |
| 13 | Quant il [les ambassadeurs vénitiens] heurent dit leur plaisir, Longuement et à bon loisir, Li soudans pas ne respondi, Car juenesse li deffendi, Et innocence li deffent, Pour ce que c'estoit un enfant, Qui n'avoit pas XV. ans passez. (MACH., P. Alex., p.1369, 116). | |
| 14 | C'est celle ou sont tuit mi plaisir ; C'est ma main destre ; C'est celle qui me puet garir Et faire en joie revenir, Se de son regart mon desir Deingnoit repestre. (MACH., R. Fort., c.1341, 48). | |
| 15 | [Polyphème à Galatée] Vien a ton ami qui t'apelle, Si ne te repon ne ne celle Vers moi, qui tant t'aim et desir : Fai mon voloir, fai mon plaisir ! (MACH., Voir, 1364, 632). | |
| 16 | ...Et je l'amoie Si loiaument que tout mon cuer mettoie En li amer, n'autre entente n'avoie ; Qu'en li estoit m'esperance, ma joie Et mon plaisir, Mon cuer, m'amour, mon penser, mon desir. (MACH., J. R. Beh., c.1340, 63). | |
| 17 | Tout quanque j'ay de li me vient ; Tout adès de li me souvient ; Toudis la voy ; toudis l'aour ; Toudis la ser ; toudis l'onnour ; Tout mon penser, tout mon plaisir, Tout mon voloir, tout mon desir A si que riens ne me destourne Qu'a li ne pense, ou que je tourne (MACH., D. Lyon, 1342, 167). | |
| 18 | Or te conforte et te resjoie, Car loing et pres, ou que je soie, T'aim et desir Et ameray sans repentir, Qu'en toy sont mis tuit mi plaisir, Tuit mi penser, tuit mi desir. Que te diroie ? Sans toy biens ne me puet venir ; Sans toy ne me puis resjoïr (MACH., F. am., c.1361, 222). | |
| 19 | Car tant vous aim, sans mentir, Qu'on porroit avant tarir La haute mer Et ses ondes retenir Que me peüsse alentir De vous amer, Sans fausser ; Car mi penser, Mi souvenir, Mi plaisir Et mi desir Sont sans finer En vous que ne puis guerpir N'entroublier. (MACH., Ch. bal., 1377, 612). | |
| 20 | Si pri ma dame, à cui tuit mi ressort, Mon cuer, m'amour, mi penser, mi plaisir, Tout mon espoir, mi bien et mi deport Sont et seront à tous jours sans faillir, Que pour son serf me vueille retenir ; Car plus chier ay languir par son voloir Que moy partir de son noble pouoir. (MACH., L. dames, 1377, 90). | |
| 21 | Il est vray c'un propos formay, Et dedens mon cuer l'enfermay, De l'alerion que j'amoie, Qu'a personne ne requerroie Qu'il me fust vendus ne donnez ; Mais s'il m'estoit abandonnez De lui vëoir a mon loisir, S'i penroie moult grant plaisir Et se tenroie la plaisence, Quant a present, a souffissance. Et j'avoie a mon cuer couvent Que vëoir l'iroie souvent. (MACH., D. Aler., a.1349, 310). | |
| 22 | Pour ce, dame, je m'atour De trés toute ma vigour A vous servir Et met, sans nul villain tour, Mon cuer, ma vie et m'onnour En vo plaisir. (MACH., R. Fort., c.1341, 127). | |
| 23 | J'aim miex morir dalès son dous viaire, Com vrais amis, qu'ensus de li languir, Car se ma mort li venoit à plaisir, Riens fors merci tant ne me porroit plaire. (MACH., L. dames, 1377, 119). | |
| 24 | Le Tricoplier premierement Par la bouche dou druguement Dist au soudan ce qu'il queroient, Et pour quoy là venu estoient. Quant il ot dit tout son plaisir, Longuement et à grant loisir, Et les autres eurent parlé Qui estoient bien emparlé, La chose estoit toute ordenée Qu'on leur donroit autre journée. (MACH., P. Alex., p.1369, 197). | |
| 25 | Et s'elle vuet vers moy estre si dure Que d'un regart ne me vueille enrichir, À tout le meins la tres grief mort obscure, Que j'ay pour li, deingne penre en plaisir. Et se c'est trop de tel don requerir, Rage d'amours le fait qui m'a outré. Et malades, quoy qu'il soit, de senté, Prent volentiers ce dont il ha desir. l'envoy (MACH., L. dames, 1377, 61). | |
| 26 | Riens ne desir Tant com li servir À plaisir. Mi desir Sont là jour et nuit, Pour desservir, En lieu de merir, Li veir, Li oïr : A ce Amours me duit. (MACH., Lays, 1377, 395). | |
| 27 | Si devés estre bien asseur de moi et de mon amour, car je vous sai si bon et si loyal en tous cas, et aussi que vous amés tant moi, mon bien, ma paix et mon honneur, que vous ne me volriés ne sariés ne daigneriés consillier chose qui ne fust a mon honneur plus que creature qui vive. Si sui bien tenue a faire tous vos bons plaisir[s], et si les ferai a mon pooir (MACH., Voir, 1364, 318). | |
| 28 | "Sans doute je li feray faire De point en point, sans nul contraire, Dou tout à vostre volenté, Qu'einsi le m'a il creanté." Li roys respondi en la place Que tout son bon plaisir en face, Car toute s'onneur met en lui Sans penre conseil à nelui. (MACH., P. Alex., p.1369, 240). | |
| 29 | Et quant Nature me commande Et li dieus d'Amours, que j'entende Aus choses dessus proposées, Seur l'onneur des dames fondées, Bien est raison que je m'aplique A faire leur bon plaisir, si que Je n'i mesprengne ne mefface. (MACH., Prol., c.1377, 11). | |
| 30 | [Polyphème à Galatée] Je te donrai dains et chevriaus, Des connines et des levriaus Dont tu porras ton plaisir faire. J'ai de columbiaus une paire Qu'alai l'autrier d'un ny[t] abatre ; Ceulz auras pour ton corps esbatre. (MACH., Voir, 1364, 636). | |
| 31 | Or alons sans sejour, Si chevauchons et nuit et jour Pour les bons ma dame acomplir. Je ne me puis mieus raemplir De joie qu'en son plaisir faire ; Se n'useray point dou contraire. (MACH., J. R. Nav., 1349, 161). | |
|
