| 37 exemples | | 1 | ...je di que cil dui amant sont Moult engoisseus, quant einsi perdu ont Ce qu'il aimment, et que li cuers leur font, Si com la cire Devant le feu se degaste et empire. (MACH., J. R. Beh., c.1340, 120). | |
| 2 | Car il estoit si forsenez, Si dolereus, si mal menez, Li las, qu'il se desesperoit Et parmi le pourpris queroit Yaue, feu ou fosse parfonde, Pour finer sa vie en ce monde. (MACH., D. Lyon, 1342, 180). | |
| 3 | Qui bien aimme a tart oublie, Et cuers qui oublie a tart Ressamble le feu qui art, Qui de legier n'esteint mie. (MACH., L. plour, 1349, 283). | |
| 4 | Garde qu'aus povres soit ouverte Ta main a gaaing et a perte, Et Dieus le te rendra a double, Adès pour un denier un double, Car le pechiet aumosne esteint, Si com l'iaue feu, quant l'ateint. (MACH., C. ami, 1357, 136). | |
| 5 | ...Mais son tortis ou sa chandeille Alumoit chascuns en son dos, Mais li sages, qui estoit sos, Par son art et par sa science Qu'est appellee nigromance, Fist tant qu'il n'avoit fu ne flame A Romme, fors eu dos la dame : La li Roumain dou feu prenoient N'a Romme autrement feu n'avoient. (MACH., F. am., c.1361, 208). | |
| 6 | Ce bruist mon cuer et teint ; Car tout aussi com la cire Fondre et frire, Tire à tire, Fait li feus, quant il ateint, T'amour, qui en moy remaint, Fait mon cuer fondre et desfrire, Diex l'i mire, N'il faut mire Fors li qui me fait mal meint. (MACH., Lays, 1377, 361). | |
| 7 | Et se j'envoy devers ma chiere dame Dire qu'elle mon cuer mine et entame, Et que s'amours l'art sans feu et sans flamme Et le martyre, Et que desirs de plus en plus l'enflame, Elle dira que je ten a son blame Et que ne doy dire a home n'a fame Mon grief martyre. (MACH., F. am., c.1361, 161). | |
| 8 | ...Dont j'ay, sans plaie, pointure Qui ja n'iert sanée, Se vo douceur ne la cure, Qui m'est si doucement dure Qu'elle art mon cuer, n'en l'ardure N'a feu ne fumée. (MACH., Ch. bal., 1377, 605). | |
| 9 | Douce dame, vostre fine douçour Mon loial cuer art sans feu et sans flame Et le norrit en amoureuse ardour Qui par desir croist toudis et enflame... (MACH., L. dames, 1377, 193). | |
| 10 | C'est a dire, qui garir me peüst Ne qui remede en moy mettre sceüst, Tant de biauté ou de richesse heüst, Ou tant renarde Fust, qu'au garir assés ne me neüst, Ne que jamais mon secret perceüst, Ne que desirs en moy si fort creüst Que maus feus arde ! Car je le porte et le çoile et le garde Dedens mon cuer qu'on ne s'en prengne garde. (MACH., F. am., c.1361, 178). | |
| 11 | Dou memoire des hommes degradés Et des livres, où il a esté mis, Maudis de Dieu, de tous sains condampnés, De la clarté des estoiles bannis Puist estre li mois de Mars Et de mal feu d'enfer brulés et ars, Li et si jours et sa puissance toute, Quant il m'a fait avoir en piet la goute. (MACH., L. dames, 1377, 222). | |
| 12 | ...C'est Desirs qui dementer Fait et tourmenter, Souspirer Et plourer Maint cuer ; maus feus l'arde. Car tant me fait endurer Que ne puis durer. (MACH., Lays, 1377, 420). | |
| 13 | ...Car bien X. mil dedens entrerent De Sarrazins, et reponnirent Par une porte qu'il ardirent, Si com li nostre avoient fait, Qui la porte ardirent de fait, Par force au darrenier assaut ; Dont ce fu moult tres grant deffaut, Qu'onques n'i ot home ne garde Qui s'en donnast ne preïst garde, Ne qui veïst fu ne fumée ; Saint Marc est la porte nommée... (MACH., P. Alex., p.1369, 97). | |
| 14 | Car main et tart Son dolent cuer de sa dame ne part, Eins la compaingne en tous lieus sans depart ; Et cils qui est plus près dou feu, plus s'art. (MACH., J. R. Beh., c.1340, 122). | |
| 15 | ...Et pour ce que le feu aproches D'Amours qui te point de ses broches, Pers tu maniere et contenence, Scens, joie, vigour et puissance. Et aussi retien de mon art ; "Qui plus est près dou feu, plus s'art." Orendroit plus ne t'en diray. (MACH., R. Fort., c.1341, 116). | |
| 16 | Et quant j'aperçu la maniere De leur parler et de leur chiere, Et que meües furent toutes, Pour bouter le feu es estoupes, Au juge fis une requeste Qui me sambloit assez honneste, Et humblement li depriay Et requis en mon depri ay Qu'elles parlassent tout a fait... (MACH., J. R. Nav., 1349, 245). | |
| 17 | Las ! se le feu qui ensement l'art dure, Mes cuers sera tous bruis et estains, Qui de ce feu est ja nercis et tains, Pour ce qu'il est fins, loyaus et certains ; Si que j'espoir que deviés y ert, eins Que bonne Amour de merci l'asseüre Par la vertu d'esperance seüre. (MACH., Motés, 1377, 501). | |
| 18 | Si qu'adonques ceste rousée Dont sa chaleur est arrousée Le vent de ses soupirs abat Legierement et sans debat, Par quoy li cuers en feu s'apaise Et est un petit plus a aise. (MACH., D. Lyon, 1342, 194). | |
| 19 | Et quant en sa desesperance S'ocist, si forment s'envay Qu'avec le cop en feu chay, Dont tantost fu arse et bruïe. Einsi fina Dydo sa vie. (MACH., J. R. Nav., 1349, 210). | |
| 20 | Lors commanda qu'on empreïst La fournaise et qu'on y feïst Le feu plus grant qu'on ne soloit Set fois, car einsi le voloit. La fournaise fu eschaufee Et si durement enflamee Que la hautesse de la flame Quarante nuef queudes haut flame. (MACH., C. ami, 1357, 21). | |
| 21 | Aussi fu l'estoile coumée, En semblance de feu couée, Qui de feu et d'occision Faisoit prenostication. (MACH., J. R. Nav., 1349, 143). | |
| 22 | Car tant en y ot de perdus Qu'on en estoit tous esperdus, L'un par feu, l'autre par bataille. (MACH., J. R. Nav., 1349, 144). | |
| 23 | Quant Eneas parti de Troie Son filz et son pere et sa proie Que dou feu de Troie getta, Et la franche Thegneÿta Qui l'alaita de ses mamelles... (MACH., Voir, 1364, 626). | |
| 24 | Ce fait, la fausse gent ont pris Toutes les chartres dou païs, Où les coustumes et les loys Estoient, et les drois des roys ; Si les ont arses et brulées Et en un ardant feu getées Si que mais ne seront veües, Ne retrouvées, ne leües. (MACH., P. Alex., p.1369, 272). | |
| 25 | Là veïst on maint drap de soie, Et de fin or qui reflamboie Ardoir, et mainte dame belle, Maint Sarrazin, mainte pucelle, Maint Turc et maint enfant perir, Par feu, ou par glaive morir. (MACH., P. Alex., p.1369, 21). | |
| 26 | ...Li setiemes [soleil] fu moult horribles, Espouentables et terribles : Coulour ot de sanc et de feu, S'avoit un noir glaive en mi lieu. Couleur sanguine ot le huitiesme. Trop fu tenebreux le nueviesme, Mais un seul ray luisant y ot. Ne sorent que signefiot... (MACH., F. am., c.1361, 238). | |
| 27 | Adonc Anemis-qui-ne-dort, - C'est Desirs, qui m'a fait maint tort - Tenoit en sa main un tison, Et si s'en vint en traÿson Et dedens mon cuer se bouta, Si que prés le manoir tout ha A force ars, malgré mien, par m'ame, Et mis tout a feu et a flame. (MACH., Voir, 1364, 470). | |
| 28 | Aussi fu l'estoile coumée, En semblance de feu couée, Qui de feu et d'occision Faisoit prenostication. (MACH., J. R. Nav., 1349, 143). | |
| 29 | Car quant grans Desirs par son art Sage et soutil un fin cuer art Ou loiauté est enfermée, Il art sans feu et sans fumée Et le keuve, tapist et cuevre Si sagement, que de son ouevre Ne se puet nuls apercevoir. (MACH., D. Lyon, 1342, 194). | |
| 30 | Si sentoie en moi une ardure Entremellee de froidure Et pleinne de tele matiere Qu'elle art sans fu et sans fumiere. (MACH., Voir, 1364, 238). | |
| 31 | Se vous diray ce qui m'i fait doloir : Dame, il me semble Qu'une chose qui se part et assamble En pluseurs lieus, et avec c'elle tramble Et n'arreste ne que fueille de tramble, Et n'est estable, Eins est toudis changant et variable, Puis ci, puis la, or au feu, a la table, Et puis ailleurs, c'est chose moult doubtable, Car nullement On ne la puet avoir seürement... (MACH., J. R. Beh., c.1340, 98). | |
| 32 | ...Et en sa destre main tenoit Un dart qui bien estoit ferré De fer tranchant et aceré ; Et en l'autre avoit un brandon De feu qui getoit grant randon... (MACH., D. verg., a.1340, 19). | |
| 33 | ...N'il n'eüst ville ne clochier Près a trois lieues ou a quatre, Par quoy il s'alassent esbatre ; Et que d'aucune mortel guerre Fussent espandu par la terre Tout environ li annemi, Et ceste gent fussent enmi, Et que les feus de toutes pars Boutassent, si que des espars Veïssent en lieu de lanterne. (MACH., D. Lyon, 1342, 204). | |
| 34 | Einsi s'en va tout combatant Et les Sarrazins ociant, A Alayas droite voie, Boutant les feus ; que vous diroie ? Trois bonnes villes y a pris Et destruites li roys de pris, Dont vesci les noms, sans doubtance... (MACH., P. Alex., p.1369, 212). | |
| 35 | Elle fu si desesperée, Si hors dou sens, si forcenée, Que deus enfans qui sien estoient, Pour ce que Jason ressambloient, Occist en despit de Jason, Puis mist le feu en sa maison. (MACH., J. R. Nav., 1349, 233). | |
| 36 | Or vous ay dit et raconté Comment li roys, pleins de bonté, Fist par ses gens le feu bouter En la porte, sans arrester, Si qu'elle fu arse et brulée, Et toute en cendre degastée. Quant la force fu abaissié Dou grant feu, la chevalerie Et trestout l'ost entierement, Avec le roy joieusement, Entrerent dedans la cité. (MACH., P. Alex., p.1369, 89). | |
| 37 | ...Ainsi ne fina toute jour D'occire, et sa gent de pillier Pour toute la ville essillier. Et quant elle fu bien pillie, Bien destruite et bien essillie, Li roys le feu dedens bouta, Car bien vit, et pas ne doubta, Qu'il ne la peüssent tenir, Et veoit le vespre venir. (MACH., P. Alex., p.1369, 209). | |
|
