| 18 exemples |
| 1 | ...car elle [Mélusine transformée en serpent] s'en vient, tel doulour menant, et faisant si grant escroiz que c'estoit grant hideur a veoir et a l'ouïr. Et en estoient les gens du pays tous esbahiz. Et tant ala qu'elle vint a Lusegnen, et l'avironna trois tours, et crioit moult piteusement, et se lamentoit de voix femmenine, dont ceulx de la forteresse et de la ville furent tous esbahiz et ne scorent que penser, car ilz voient la figure d'une serpente et oyent la voix d'une dame qui yssoit de lui. (ARRAS, c.1392-1393, 260). |
|
| 2 | Lors scorent bien que le jayant estoit mort, si en louent Jhesucrist. Lors montent la montaigne et vindrent au fort et treuvent Gieffroy emprez le jayant, qui crie a ceulx du pays : Jamais ce traitre ne vous tendra en pastiz ; il n'a a present talent de le vous demander. (ARRAS, c.1392-1393, 247). |
|
| 3 | Et lors monta Remondin a cheval moult legierement, et prist la lance. Et, d'autre part, monta Oliviers moult vistement, et prist la lance au fer trenchant. Et lors cria un herault par trois foiz : Laissiez les aler, faictes vostre devoir, faictes vostre devoir. (ARRAS, c.1392-1393, 62). |
|
| 4 | Et lors cria un heraut, de par le roy, que nulz ne feust si hardiz qu'il parlast mot, ne ne fist signe nul que nulz des champions peust entendre ne appercevoir, sur peine de la hart. (ARRAS, c.1392-1393, 62). |
|
| 5 | Mais le roy Selodus crie son enseigne a haulte voix, et joint l'escu au pitz, et brandist le fust de lance et broche le destrier des esperons ; au doz le vont suivant Xm. Sarrasins. (ARRAS, c.1392-1393, 184). |
|
| 6 | Lors crie le roy Selodus son enseigne, disant : Ferez, seigneurs barons, la journee est a nous, ilz ne nous pevent eschapper. (ARRAS, c.1392-1393, 184). |
|
| 7 | Et lors part le rampin, et vint jusques prez de la bataille, et oyent ceulx de dedens le rampin hault crier : Cordes et Anthioche, et d'autre part : Lusegnen et Saint Jehan de Rodes. Lors vindrent dire a Gieffroy : Sire ce sont d'un costé Sarrasins, et d'autre costé, crestiens qui crient Lusegnen et Saint Jehan de Rodes. (ARRAS, c.1392-1393, 217). |
|
| 8 | Et ly fuiant vindrent en l'ost, criant : A l'arme ! La veissiez Sarrasins armer et mettre en bataille au dehors des logeis. (ARRAS, c.1392-1393, 103). |
|
| 9 | Ceulx qui furent eschappez des vaisseaux vindrent courant a l'ost, criant alarme a haulte voix, et dirent comment crestiens avoient assailli le navire. (ARRAS, c.1392-1393, 133). |
|
| 10 | Et quant vint a primsomme les deux freres firent crier a l'arme moult effreement tout parmy l'ost. Lors veissiez grant toilliez, et se arma chascun de toutes pars, et se mist en bataille par dessoubz sa banniere. (ARRAS, c.1392-1393, 156). |
|
| 11 | Et il si fist, et dès si loing qu'il vit son pere, si se gecte a genoulx en lui criant mercy, et lui dist : Chier pere, veulliez moy pardonner vostre yre, et je vous jure que je feray refaire l'abbaye plus belle et plus riche qu'elle ne fut oncques, et y feray renter XX. moines plus qu'il n'y avoit. (ARRAS, c.1392-1393, 269). |
|
| 12 | Et lors la dame se loga dedens sa forteresse, et fist Remondin crier une grant feste et noble. (ARRAS, c.1392-1393, 46). |
|
| 13 | Et furent les trieves criees cent ans et ung jour, et en furent les chartres seellees. (ARRAS, c.1392-1393, 237). |
|
| 14 | Lors fist crier a la trompe que tout gentil homme, de quelque pays que ilz feussent, qui vouldroient aler aux gaiges d'Anthoine et de Regnault de Luseignen se traisissent dedens un jour nommé a Lusignen, et la seroient paiez pour un an de leurs gaiges. Et ainsi le fist crier par tout le pays de Poictou et des marches d'environ. (ARRAS, c.1392-1393, 151). |
|
| 15 | En ceste partie dit l'ystoire que dedens le jour que Melusigne ot fait crier, s'assemblerent en la pree de Lusignen grant multitude de gentilz hommes, tant du pays de Poictou comme des marches voisines, et furent nombrez jusques a quatre mille bacinez et mil et cinq cens que archiers que arbalestriers. (ARRAS, c.1392-1393, 151). |
|
| 16 | Lors a fait crier a la trompette que chascun appreste son harnoiz, et que chascun parte le matin, au tiers son de la trompette, en ordonnance, dessoubz sa banniere, et sieve la bataille de l'avant garde. (ARRAS, c.1392-1393, 94). |
|
| 17 | Et fist crier Uriiens que qui vouldroit boire un cop, qu'il beust, et donnast avoine aux chevaulx. (ARRAS, c.1392-1393, 98). |
|
| 18 | Et noz gens passent tout par my leurs tentes sans y arrester ne prendre ne pillier chose qui y feust, car ainsi fu crié sur la hart. (ARRAS, c.1392-1393, 235). |
|
