| 20 exemples |
| 1 | ...s'il vous plaist, je vous fais heritier de mon royaulme. Mais, pour Dieu, preingne vous pitié de mon povre enfant, orpheline, desnuee de tout conseil et confort, se vous lui failliez. (ARRAS, c.1392-1393, 141). |
|
| 2 | Et saiches de certain que sans moy ne mon conseil tu ne pues venir a chief de t'emprise. (ARRAS, c.1392-1393, 25). |
|
| 3 | Lors ot ly soudans conseil de faire assaillir la ville. Lors fait sonner ses trompettes quant le soleil fu levé, et fait ordonner ses batailles et ses arbalestriers, et ses pavisiers, et s'en viennent aux fossés et aux barrieres. (ARRAS, c.1392-1393, 110). |
|
| 4 | Adont orent noz barons conseil, pour ce que ilz orent trop vaisseaux et pou de gent, que ilz mettroient toute l'artillerie que ilz orent conquise en leurs nefs, et autres choses neccessaires (ARRAS, c.1392-1393, 130). |
|
| 5 | En ceste partie dist l'ystoire que, quant les barons virent qu'ilz ne le povoient mettre hors de sa doulour, ne appaisier en aucune maniere, si furent moult doulens. Lors orent en conseil qu'ilz le manderoient a Melusigne (...). Lors prindrent un messaige et lui manderent tout ce fait. (ARRAS, c.1392-1393, 253). |
|
| 6 | Et tant fist le conseil que les barons du pays furent mandez a un certain jour pour faire hommage a leur jeune seigneur et relever leurs terres et leurs fiefz. (ARRAS, c.1392-1393, 29). |
|
| 7 | Et Remondin s'agenoille et l'en mercie et lui en requiert chartre, laquelle fu tantost faicte la plus forte que on pot et seellee du grant seel du conte, a la relacion du conseil et des pers du pays, qui y pendirent leurs XIJ. seaulx, en congnoissance de affermer le don a estre raisonnable, avec le grant seel du conte. (ARRAS, c.1392-1393, 32). |
|
| 8 | Mais, beaulx seigneurs, je vous pry que il vous plaise a dire a mes deux seigneurs que il leur plaise a venir logier ceans et admener avec eulx de leur baronnie tant comme il leur plaira. Et endementiers on fera ensevelir les mors et ardoir les chevaulx mors. Et aussi mon conseil s'avisera comment nous les pourrons satisfaire de leur paine et de leur despense au mieulx que nous pourrons. (ARRAS, c.1392-1393, 164). |
|
| 9 | Et aprez, les faictes jurer, se vous les eussiez mandez au siege, se ilz vous feussent venuz servir contre voz ennemis. A ce point furent tous ceulx du conseil d'accort. Et fu Garnier appellé et tous les autres, et leur fu ce fait recordé. (ARRAS, c.1392-1393, 211). |
|
| 10 | Il fault que vous faciez fonder un prioré de XV. moines et le prieur en tel lieu qu'il plaira a ma damoiselle et a son conseil, pour prier pour l'ame de ceulx qui sont mors, tant de vostre costé comme de ce païs, et de noz gens, qui pour vostre coulpe sont periz. (ARRAS, c.1392-1393, 168). |
|
| 11 | Et lors appella le roy d'Ausaiz les barons du pays a conseil et leur dist : Beaulx seigneurs, entretant comme le fer est chault, on le doit batre. (ARRAS, c.1392-1393, 168). |
|
| 12 | Quant Gieffroy ot oye l'escusacion de l'ancien chevalier pour lui et pour les autres, si traist son conseil ensemble et leur dist : Beaulx seigneurs, que vous semble de ce fait ? Il me semble que ces gens se excusent bonnement. (ARRAS, c.1392-1393, 211). |
|
| 13 | Et les haulx princes veoient plus cler en leurs affaires par les sciences qui lors estoient aprinses en temps deu, que s'ilz feussent innocent des sciences, et sentoient en brief le vif des conseulx que on leur monstroit. (ARRAS, c.1392-1393, 17). |
|
| 14 | Et nous cuidions, se vous eussiez eu voulenté de femme prendre, que nous feussions le premier a qui vous en eussiez prins conseil. Monseigneur, dist Remondin, ne vous en vueille desplaire, car amours a tant de puissance que il fait faire les choses ainsi qu'il lui plaist, et je suis si avant alé en ce marchié que je n'en puis reculer (ARRAS, c.1392-1393, 36). |
|
| 15 | Seigneurs, dist Melusigne, je vous ay cy assemblez pour avoir vostre conseil comment ceste forteresce cy sera appellee, comment il soit memoire a jamais comment elle a esté fondee merveilleusement et aventureusement. (ARRAS, c.1392-1393, 46). |
|
| 16 | Et entre les autres, manda Jossellin de Pont le Leon, pour avoir son conseil sur la demande que Remondin lui feroit, car il estoit moult saiges. (ARRAS, c.1392-1393, 55). |
|
| 17 | ...ilz avoient sur grant envie sur Hervy vostre pere, pour ce que le roy l'amoit et creoit et faisoit et usoit de pluseurs choses de son conseil, qu'il ne leur chaloit a qui la perte deust tourner, mais qu'ilz le peussent destruire. (ARRAS, c.1392-1393, 50). |
|
| 18 | Sire, il est bien verité que Hervy de Leon fu ysneaulx chevaliers, courtois et saiges, bien moriginez, et l'ama moult le roy et son nepveu, et usoit le roy moult par son conseil, et estoit Hervy cellui en qui il se fioit le plus. (ARRAS, c.1392-1393, 57). |
|
| 19 | Beau sire, nous ferons a vostre conseil a ceste foiz. (ARRAS, c.1392-1393, 233). |
|
| 20 | Et ne creez ja conseil de garcon, ne ne trayez ja trop privé de vous homme que vous n'aiez bien essayé ses meurs et ses condicions. (ARRAS, c.1392-1393, 85). |
|
