| [1]
Adont se tinst Huon comme pour asseuré d'estre ainsi ou plus villainement jugié a morir. Salhadin le regarda lors non mie despiteusement, car ja estoit son ire comme passee puisque mors estoit le Bastard de Buillon. (Saladin C., c.1465-1468, 63). |
| [2]
Puis retournerent a l'ostel du roy, car il tinst court au souper aussy plentureuse qu'il avoit fait au disner. Et y fu la royne quy mie ne dormy, ainçois traveilla dez yeulx qui ne chessoient de cheminer et eurent ce jour plus de consolacion qu'onquez mais. (Saladin C., c.1465-1468, 97). |
| [3]
Meismement Herculés, pour qui la feste se faisoit, les bienvegna. L'appareil doncques estoit grant en Thebés a ce jour. Le roy tinst court ouverte. Les roys et les princes, dames et damoiselles mengerent de bonne heure. Aprés qu'ilz eurent fait bonne chiere, les dames et les damoiselles monterent sus les hours, et les chevaliers s'adouberent et monterent sus leurs chevaulz (LEFèVRE (R.), Hist. Jason P., c.1460, 127). |
| [4]
La royne Mirro, oyant l'entreprise de Jason, tant fu oultree de doeil qu'il lui sambla que l'en la frapast d'une lance ou travers du cuer, tant amoit Jason. Toutesvoyes elle tinst maniere le mieulx qu'elle poeut (LEFèVRE (R.), Hist. Jason P., c.1460, 142). |
| [5]
Tantost que la belle Mirro oy parler a son hostesse de la requeste du chevalier, la couleur lui mua merveilleusement, et lui fu advis que tout son corps fust esprins de feu. Toutesvoies elle tinst maniere. (LEFèVRE (R.), Hist. Jason P., c.1460, 162). |
| [6]
Le messagier rapporta ceste response au roy Appollo, laquelle oye, Appollo conclud en luy meismes qu'il souffriroit encoires un petit, pour voir comment ses anemis se maintendroient, et se tinst sceurement en son palais. (LEFèVRE (R.), Hist. Jason P., c.1460, 185). |
| [7]
Et tellement et si bien se gouverna en toutes façons, que le jeune duc son maistre le tenoit avec luy pour le plus prochain de son hostel; car eux deux estoient comme d'un eage et d'une grandeur et de façon de corps et de maintien, pour quoy le jeune duc le tint si chier, que peu s'en failloit qu'il ne le tinst comme son propre frère. (Faits Lalaing K., c.1470, 28). |
| [8]
Et au regart de ce que messire Michel de Partenay dit qu'il m'a ouvert un parti que le duc tinst en ressort de moy les hommages de ses eveschiez, c'est un expedient que je ne dois pour rien accepter, car le duc ne me donneroit riens par ce moien. (Lettres Louis XI, V.M., t.10, 1446-1483, 205). |
|
Attestation de 