| [1] | comme il alast par un chemin, il encontra un de ces ribaulx vestus d'une roiz, qui par chemin souloient aler, qui lui demanda un denier, et, comme le Lombart l'escondisist, le ribault haulce la paulme et lui donne une grant buffe ; (CHR. PIZ., Faits meurs Ch. V, S., II, 1404, 75) | | [2] | Aprés les heraulz françois venoient les deux roiz d'armes d'Arragon et d'Anjou, trestous portans les coctes d'armes vestues de leurs seigneurs, et ceulz de France celle de Saintré, moult richement brodees. la paulme et lui donne une grant buffe ; (LA SALE, J.S., 1456, 110) | | [3] | Et quant Saintré fut descenduz incontinant les roiz d'armes, heraulz, poursuivans, trompectes et menestriers, pour faire honneur et compaignie, furent a messire Anguerrant, lequel aussi trouverent tout en point prest a monter, et lors partirent tout premiers les tabourins et aprés les menestriers, puis aprés les menestriers venoient pluseurs seigneurs, chevaliers et escuiers qui venus estoient pour le convoyer. (LA SALE, J.S., 1456, 112) | | [4] | N'a pas lonc temps que tu cuidoies Que se Prians, li rois de Troies, Fust en vie, et son fil Hector, Troïllus, et le bon Nector,Qui Menelaus mist en grant peinne Pour Paris qui ravist Heleinne, Et te vosissent faire guerre En ton païs et en ta terre, Qu'einsi te peüssent abatre Si tost, par scens ne par combatre, Com Fortune t'a abatu Qui en sa roiz t'a embatu, Et la te bat de ses flaiaus Qui sont mauvais et desloiaus. (MACH., C. ami, 1357, 66) | | [5] | Pour ç'a toy m'en complains et claime, Amours, car com plus la desir, Plus me truis des roiz de desir Pris et lacié de jour en jour, Et plus ay peine sanz sejour, Et n'est qui me puist esjouir Fors seulement d'elle jouir, Et c'est chose a faire moult fort Conment j'aie d'elle confort: Car onques a li ne parlay, Ne de l'amistié qu'a li ay N'a elle encore riens sceu; (Mir. Theod., 1357, 70) | | [6] | sire Dieu plain de bonté, De cuer humblement te graci Quant prendre te plaist ces gens ci Au roiz de ta misericorde; (Mir. st Val., c.1367, 143) | | [7] | Car renom, bontez et simplesce, Courtoisie, doulceur, largesce, Honnesté, maintien, avenance, Franchise, attraiant contenance Dont elle est dame et tresoriére Ont mon cuer en telle maniére D'elle par regarder espris Qu'es roiz est enlaciez et pris De Desir, qui m'estraint et lace, Si que je ne sçay que je face; (Mir. emper. Romme, 1369, 254) | | [8] | Nous vous faisons conmandement, Seigneurs, que voz roiz, voz levriers Voz chiens de trace et voz lemiers Menez au bois tost sanz laissier Il nous convient aler chacier: Le roy veult istre. Qu'es roiz est enlaciez et pris De Desir, qui m'estraint et lace, Si que je ne sçay que je face; (Mir. st J. Paulu, c.1372, 100) | | [9] | Cedit jour, furent leuz en la Court certains articles par maniere de memoire, qui par la Court avoient esté faiz et baillés au Grant Conseil du Roy sur les defaus qui sont en la justice de ce royaume pour icelle reformer, et par l'ordonnance de nos seigneurs les ducs de Berry, d'Orleans, de Bourgoigne, de Bourbon, les roiz de Jherusalem et de Navarre, à l'occasion du debat qui avoit esté entre les ducz d'Orleans et de Bourgoigne, dont registre a ou moiz d'aoust derrainpassé et ou livre du Conseil, et plus à plain ou livre des Ordonnances, et pour ce que le Grant Conseil approuva assez lesdiz articles, ordonna oultre que, sur lesdiz articles, la Court advisast les remedes et les responses auxdiz articles et defaus, et fussent articulées; (BAYE, I, 1400-1410, 143) | | [10] | Et, pour ce que ceste responce, comme trop general, ne lui souffisoit pas, a esté sur ce conseillée la Court, present ledit de Bourbon, qui est du Conseil du Roy, et considerées les ordonnances de ceans et de pluseurs roiz, et aussy que le Roy paravant envoia lettres patentes de haster la besoigne ceans, a esté dit que l'en ne differeroit point. (BAYE, I, 1400-1410, 148) |
|
|
Attestation de 