| 6 exemples |
| 1 | On dit communement que l'amant perchoit bien s'amie par une petite raiere. Ainsi en print il a la pucelle, car entre les foeulles de l'espinoy elle vey le preu Nero son chier amy (Percef. V, R., c.1450 [c.1340], 199). |
|
| 2 | "...Et au regart de moy, j'aime mieulx a morir que vivre en jalousie." Ce dit, il se teut, puis repondy à luy mesmes et dist : "Soeuffre ung pou et ne te surhaste point, car espoir n'est ce point celle que tu cuides. Car, comme l'en dist, chascun amant a la plus belle dame par amours du monde et pour ce la prise il tant." (Percef. V, R., c.1450 [c.1340], 89). |
|
| 3 | En .IJ. amans qui s'aimment signourie Estre ne doit, einsois doivent avoir Un cuer, une ame et une maladie, Une pensée, un desir, un voloir (MACH., L. dames, 1377, 229). |
|
| 4 | Se le chevalier n'y a esté a armes descouvertes, espoir qu'il y a esté a telle congnoissance que bien y estoit congneu de celle dont il le vouloit estre, car ainsi le faisoient aucuneffoiz au temps du noble roi ¨Perceforest les preux chevaliers qui ne voulloient pas estre congneus de tous. Moult plaist aux amans aucuneffoiz a sçavoir ce que autre desire. Et le chevalier le peut bien faire, car il est preu. (Percef. V, R., c.1450 [c.1340], 636). |
|
| 5 | Et sitost qu'amant s'entrevoient, De douls regars il se convoient Qui lors coers leur passe et les perce (...). Et pour un tant est dit ensi : Onques ne fu, n'en doubtés mie, Ne lais amans ne laide amie. (FROISS., Par. am., c.1361-1362, 52). |
|
| 6 | - Comment ! sire, dist la damoiselle, amez vous par amours et sy estes chevalier errant ? - Certes, damoiselle, dist il, oÿ. - Dont, dist elle, est ce du petit doigt ou voz amours demeurent en ceste forest, car vrais amans n'eslongent pas voulentiers coustumierement ce qu'ilz aiment. (Percef. V, R., c.1450 [c.1340], 284). |
|
